इस्रोच्या शास्त्रज्ञांना राम सेतूसंदर्भात मोठं यश मिळालं आहे. शास्त्रज्ञांनी राम सेतूचा तपशीलवार नकाशा तयार केलाय.

हा पूल तामिळनाडूचे रामेश्वरम आणि श्रीलंकेचे मन्नार बेट यांच्यामध्ये आहे. यासाठी शास्त्रज्ञांनी अमेरिकन स्पेस रिसर्च इन्स्टिट्यूट नासाच्या उपग्रहांचा डेटा वापरला आहे.

या पुलाच्या मॅपिंगचे काम जोधपूर आणि हैदराबाद येथील इस्रोच्या संशोधकांनी नासाच्या उपग्रहाचा वापर करून केलंय. याचा वापर करून शास्त्रज्ञांनी बर्फाचा थर, हिमनदी याची अचूक माहिती दिलीय.

संशोधकांनी ऑक्टोबर २०१८ ते ऑक्टोबर२०२३ या कालावधीत ICESat-2 डेटा वापरून बुडलेल्या पुलाच्या संपूर्ण लांबीचा नकाशा तयार केलाय. त्यातील ९९.९८ टक्के भाग पाण्याखाली गेला आहे.

संशोधकांनी राम सेतूचं आकारमान १ चौरस किमी असल्याचा अंदाज वर्तविला आहे. त्यापैकी फक्त ०.०२ टक्के भाग समुद्रसपाटीपासून वर आढळला आहे.

संशोधकांनी सांगितले की, हा पूल पूर्णपणे पाण्यात बुडाला असल्याने आतापर्यंत अचूक सर्वेक्षण होऊ शकले नाही. रामसेतुलाच ॲडम्स ब्रिज असंही म्हटलं जातं.

या पुलाचा ९९.९८ टक्के भाग पाण्यात बुडाला आहे. त्यामुळे जहाजाच्या मदतीने सर्वेक्षण करणे शक्य नसल्याचं संशोधकांनी सांगितलं आहे.