देशातील प्रमुख बँकांनी कर्जदरात बदल करत कर्जदारांना दिलासा दिला आहे. यामुळे गृहकर्ज घेणाऱ्यांचा ईएमआय कमी होण्याची शक्यता आहे.
बँक ऑफ बडोदाने १२ ऑगस्टपासून एमसीएलआर कमी केले आहे.
ओव्हरनाईट एमसीएलआर ८.१० टक्क्यांवरून ७.९५ टक्क्यांपर्यंत, तर एका महिन्याचा एमसीएलआर ८.३० वरून ७.९५ टक्क्यांवर आला आहे.
तीन महिन्यांचा एमसीएलआर ८.५ वरून ८.३५ टक्क्यांपर्यंत कमी झाला असून, सहा महिन्याचा एमसीएलआर ८.७५ वरून ८.६५ टक्के झाला आहे. एक वर्षाचा दर ८.९ टक्क्यांवरून ८.८ टक्क्यांवर आणला आहे.
एचडीएफसी बँकेने मात्र व्याजदर वाढवले आहेत. ७ ऑगस्टपासून लागू असलेले नवीन दर ८.५५ टक्क्यांवरून ८.७५ टक्क्यांपर्यंत वाढले आहेत.
दरम्यान, पंजाब नॅशनल बँकेने ग्राहकांना दिलासा देत ५ बेसिस पॉइंट्सची कपात केली आहे.
बँकेचा ओव्हरनाईट एमसीएलआर ८.२ टक्क्यांवरून ८.१५ टक्क्यांवर आला आहे. एका महिन्याचा एमसीएलआर ८.३५ वरून ८.३ टक्क्यांवर, तर तीन महिन्यांचा ८.५५ वरून ८.५ टक्क्यांवर आला आहे.
एकूणच, रेपो दरातील बदलानंतर बँकांनी व्याजदरांमध्ये सुधारणा केली असून कर्जदारांना याचा फायदा होण्याची अपेक्षा आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.