सलवार सूट परिधान करणे

तुम्ही कितीही मॉडर्न झालात तरी तुमच्या कपाटात लेहेंगा, सलवार सूट आवर्जून असतात. काही विशेष कार्यक्रमात किंवा लग्न सोहळ्यात जाण्यासाठी महिला वेस्टर्न किंवा पारंपारिक लेहेंगा किंवा सलवार सूट परिधान करतात.

दुपट्टा सांभाळताना तारांबळ उडते

लग्न सोहळ्यात आपण सलवार सूट घालतो. पण त्याचा दुपट्टा सांभाळताना आपली तारांबळ उडते. खरंतर दुपट्टा हा संपूर्ण लूकचे सौंदर्य वाढवतो. वेगवेगळ्या रंगाचे आणि डिझाईनचे दुपट्टे बाजारात मोठ्या प्रमाणात उपलब्ध आहेत.

दुपट्टा कसा स्टाईल करावा?

लेहेंगा किंवा सलवार सूट कितीही सुंदर असला तरी दुपट्टा नीट वेअर केला नाही तर मजा येत नाही. चला तर मग दुपट्टा कसा स्टाईल करायचा हे जाणून घेऊयात.

फॅशनेबल लूक

दुपट्टा योग्य वेअर केल्यामुळे तुमचा संपूर्ण लूक फॅशनेबल आणि स्टायलिश दिसतो.

लेहेंगा स्टाईल दुपट्टा

दुपट्टा खांद्यावरून पुढे आणून यू आकारामध्ये वेअर करा. पिनच्या मदतीने दुपट्टा फिक्स करा. यामुळे तुमचे हात मोकळे राहतील आणि दुपट्टाही जागेवरून सरकणार नाही.

शालीप्रमाणे दुपट्टा

सलवार सूटवर दुपट्टा दोन्ही खांद्यावर शालीप्रमाणे सोडा आणि पिनच्या मदतीने दुपट्टा फिक्स करा.

बेल्टसोबत ट्राय करा

आज काल अनेक ड्रेसना फॅशनेबल बेल्ट लावलेले असतात. याचा वापर करून तुम्ही दुपट्टा पिन करू शकता. यासाठी तुम्ही दुपट्टा गळ्यात घालून त्याचे दोन्ही भाग पुढे बेल्टला अटॅच करावे.

हातावर बांधा

मित्रमंडळींसोबत कोणत्या कार्यक्रमाला जात असाल तर एका खांद्यावर दुपट्टा ठेवा आणि मागच्या बाजूने पुढे आणून दुसऱ्या हाताच्या मनगटावर बांधा. त्यामुळे हाताला छान लूक येईल.

क्लासिक स्टाईल

दुपट्ट्याचे प्लेट्स बनवून किंवा दुपट्टा मोकळा सोडून खांद्यावर पिनच्या सहाय्याने फिक्स करा. शक्यतो असे दुपट्टे फॉर्मल फंक्शनला छान वाटतात.

दुपट्टा हेअर बँड सारखा बांधा

जॉर्जेट किंवा शिफॉनचा दुपट्टा असल्यास त्याची पातळ घडी करून तो डोक्याभोवती हेअर बँड सारखा बांधा. यामुळे छान वेस्टर्न लूक होईल.