धकधक गर्ल माधुरी दीक्षित ही आजही बॉलिवूडमधील लोकप्रिय अभिनेत्री आहे. माधुरीने नव्वदच्या दशकात चाहत्यांना वेड लावले होते.

बॉलिवूडमधील नंबर वनची हिरोईन असताना अचानक माधुरी लग्न करुन अमेरिकेला निघून गेली. माधुरी अन् श्रीराम नेने यांची लव्हस्टोरीही फार हटके आहे.

माधुरी आणि श्रीराम नेने यांची पहिली भेट लॉस एंजेलिसमध्ये झाली. भावाने दिलेल्या एका पार्टीत श्रीराम नेने आले होते.

या भेटीत त्या दोघांची चांगली मैत्री झाली. मात्र, श्रीराम यांना माहित नव्हतं की,माधुरी या सुप्रसिद्ध अभिनेत्री आहे. ही गोष्ट त्यांना जास्त आवडली.

यानंतर एकदा डॉ. नेने यांनी माधुरीला बाईक राईडवर येणार का असे विचारले. डोंगरदऱ्यांमध्ये बाईक राइडला जाण्यासाठी माधुरी नकार देऊ शकली नाही.

या बाईक राईडदरम्यान ते दोघे एकमेकांच्या प्रेमात पडले. यानंतर त्यांनी एकमेकांना डेट केला. त्यानंतर लग्न करण्याचा निर्णय घेतला.

माधुरीने लग्नानंतर बॉलिवूडला रामराम ठोकला. लग्नानंतर १० दिवसांत उरलेले सर्व प्रोजेक्ट पूर्ण केले अन् अमेरिकेला निघून गेली.

माधुरी २ मुलांच्या जन्मानंतर जवळपास १२ वर्षांची पुन्हा मायदेशी आली. यानंतर तिने पुन्हा इंडस्ट्रीत काम करण्यास सुरुवात केली.