सध्या जॉब हा प्रत्येकाच्या आयुष्यातला महत्वाचा भाग झाला आहे. नोकरी चांगली असेल तर आर्थिक गणितं सुधारतात आणि आयुष्यातल्या महत्वाच्या गोष्टींची चिंता मिटते.

नोकरी करणाऱ्यांसाठी आता आनंदाची बातमी आहे. कॅनरा बॅंकेत आता ईच्छुक कर्मचाऱ्यांना एक उत्तम संधी मिळणार आहे.

कॅनरा बॅंक सिक्युरिटीज लिमिटेडने तरुणांसाठी कामाची संधी उपलब्ध केली आहे. ही भरती ६ ऑगस्टला सुरु झाली होती. अद्याप तुम्ही हा भरतीचा अर्ज भरु शकणार आहात.

नोकरी ही सेल्स अॅंड मार्केटिंग या पदासाठी असणार आहे. विशेष म्हणजे उमेदवारांना कोणत्याही प्रकारची लेखी परीक्षा द्यावी लागणार नाहीये. तर याची निवड ही मुलाखतीच्याच आधारे होणार आहे.

निवड झालेल्या उमेदवारांना दरमहा २२००० रुपयांचे स्टायपेंड मिळेल. पुढे काम पाहून तुम्हाला २४००० रुपयांपर्यंत मासिक वेतन वाढवून दिले जाईल.