सोनम कपूर किती फिट आहे? नेमकं काय खाते? असा प्रश्न तिच्या असंख्य चाहत्यांना पडला होता. याच उत्तर सोनमने खुद्द व्हिडिओद्वारे दिलं.

सकाळी उठल्यापासून झोपेपर्यंत सोनमचा आहार नेमका काय असतो? हे सगळंच तिने या व्हिडिओतून सांगितलं आहे. चला तर मंडळी जाणून घेऊयात तिच्या आहाराविषयी

सकाळी उठताच सोनम प्रथम लिंबू पाणी पिते. त्यामुळे शरीरातलं पाण्याचं प्रमाण नियंत्रित राहतं. त्वचेसाठी उपयुक्त 'क' जीवनसत्त्वही मिळतं आणि विषारी घटक शरीराबाहेर पडायला मदत होते.

त्यानंतर कोलेजन चॉकलेट कॉफी घेते. या कॉफीमुळे तिची त्वचा, नखं, केस चमकदार राहतात आणि सांधेही मजबूत राहतात. तसंच तारुण्य टिकून राहतं.

सोनम नाश्ता काय करते? तर सकाळी नाश्त्याला ती अंड आणि टोस्ट खाते. प्रोटीनसाठी अंड हा उत्तम पर्याय असल्याने ती आवर्जून अंड खाते.

दुपारच्या जेवणात सोनम अधिक पोषणमूल्य असलेल्या पदार्थांचा समावेश करते. यात पास्ता असतो शिवाय चिकनपासून बनवलेले विविध पदार्थ ती खाते.

या पदार्थांमध्ये टोमॅटोचा वापर करते कारण त्यापासून 'क' जीवनसत्त्व मिळतं आणि चवही वाढते.

जेवणानंतर संध्याकाळी छोटीशी भूक सतावते त्यावेळी सोनम चव आणि प्रोटीन देणाऱ्या चिकन टोस्टचा आस्वाद घेते तसंच शरीराची अँटी ओक्सिडंटची गरज भागवण्यासाठी दही खाणं, सोनम पसंत करते.

रात्री लवकर जेवावं असं सर्वच सांगतात. हाच नियम स्वतः सोनम कटाक्षाने पाळते. रात्री खाल्लेलं अन्न नीट पचावं म्हणून ती फक्त सूप पिते. पोटही भरतं आणि पचतं.

आता सर्वात महत्वाचा सल्ला तो म्हणजे शारीरिक आरोग्य चांगलं राहावं, यासाठी आवश्यक तितकं पाणी प्या. शरीर तजेलदार ठेवायचं असेल, हायड्रेटेड ठेवायचं असेल तर किमान तीन ते चार लिटर पाणी प्यावं, असा सोनमचा सल्ला आहे. त्यामुळे दिवसभर तुम्ही ताजेतवाने राहू शकता.

तर मंडळी, सोनम कपूर तिच्या फिटनेससाठी आपल्याला परिचित आहे पण यासाठी ती काय खाते, हे तिने आपल्याला सांगितलं. तर मग तुम्ही स्वतःच्या शरीराची काळजी घ्या, सकस खा, पाणी प्या आणि फिटनेस जपा.