आषाढी एकादशीच्या निमित्ताने आज पंढरपुरात भक्तीचा महापूर आला आहे. राज्यासह देशभरातून लाखो भाविक पंढरपुरात दाखल झाले आहेत.

मिळालेल्या माहितीनुसार, जवळपास 15 लाखांहून अधिक भाविक पंढरपूरच्या वारीसाठी दाखल झाले आहेत. 

त्यामुळे विठुरायाच्या जयघोषाने अवघी पंढपूर नगरी दुमदुमून गेली आहे. चंद्रभागेच्या तिरी भाविक स्थान करीत आहेत.

त्यामुळे चंद्रभागेकडे जाणारे सर्व रस्ते गर्दीने फुलून गेले आहेत. अनेक भाविकांनी स्नान करून विठुरायाचं दर्शन घेतलंय.

आज पहाटे मुख्यमंत्री एकनाथ शिंदे यांच्या हस्ते सपत्नीक विठ्ठलाची शासकीय महापूजा पार पडली आहे. त्यानंतर दर्शन सुरू करण्यात आलं आहे.

यंदा नाशिक जिल्ह्यातील बाळू शंकर अहिरे आणि आशा बाळू अहिरे या वारकरी दाम्पत्याला शासकीय महापूजेसाठी उपस्थित राहण्याचा मान मिळाला आहे.

आषाढी एकादशीनिमित्तपंढरपूरचे वातावरण भक्तीमय झाले असून सर्वजण पांडुरंगाच्या भक्तीमध्ये भान हरपून गेलेले आहेत

विठ्ठला माझ्या बळीराजाला सुखी ठेव, कष्टकऱ्यांच्या व सामान्यांच्या जीवनात समृद्धी येऊ दे, असं साकडं मुख्यमंत्री शिंदेंनी पांडुरंगाकडे घातलं आहे.