राज्यपाल आचार्य देवव्रत, मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनी पुण्यश्लोक अहिल्यादेवी होळकर शासकीय वैद्यकीय महाविद्यालयात उपमुख्यमंत्री अजित पवार यांच्या पार्थिवाचे अंत्यदर्शन घेण्यासाठी पोहोचले.

अजित पवार यांच्या आकस्मिक निधनामुळे राज्याच्या राजकीय, सामाजिक आणि प्रशासकीय वर्तुळात तीव्र शोककळा पसरली आहे.

मान्यवरांनी त्यावेळी अजित पवार यांच्या कुटुंबीयांची भेट घेऊन त्यांचे सांत्वन केले आणि दुःखात सहभागी असल्याची भावना व्यक्त केली. राज्यपाल आचार्य देवव्रत यांनी अजित पवार यांच्या कार्याचा उल्लेख करत त्यांना कणखर व निर्णयक्षम नेतृत्व म्हणून गौरविले.

मुख्यमंत्री देवेंद्र फडणवीस यांनी अजित पवार यांच्या राजकीय योगदानाबद्दल श्रद्धांजली अर्पण करत राज्यासाठी त्यांच्या कार्याची आठवण कायम राहील, असे नमूद केले.

तिथे केंद्रीय नागरी विमानवाहतूक मंत्री राममोहन नायडू किंजारापू, अन्न व नागरी पुरवठा मंत्री छगन भुजबळ, शिक्षणमंत्री दादाजी भुसे उपस्थित होते. महिला व बाल विकास मंत्री कु. अदिती तटकरे, बांधकाम मंत्री श्रीमंत छत्रपती शिवेंद्रसिंह राजे भोसले यांनीही अंत्यदर्शनासाठी आहेत.

अजित पवार यांच्या पत्नी खासदार सुनेत्रा पवार, खासदार सुप्रिया सुळे, आमदार राहूल कुल, तसेच ॲग्रीकल्चर डेव्हलपमेंट ट्रस्टचे चेअरमन राजेंद्र पवार यावेळी उपस्थित होते. मोठ्या संख्येने राजकीय नेते, अधिकारी, कार्यकर्ते आणि नागरिकांनी अंत्यदर्शनासाठी येत करत आहेत.