एका ठराविक काळानंतर ग्रह त्यांच्या राशीत बदल करतात. यावेळी ग्रहांच्या गोचरमुळे अनेकदा एकाच राशीत ग्रहांची युती निर्माण होते. या युतीचा प्रभाव 12 राशींवर दिसून येतो. ज्योतिष्य शास्त्रानुसार, सूर्य देव दर महिन्याला आपली राशी बदलतो. सप्टेंबर महिन्यात सूर्य कन्या राशीत प्रवेश करणार आहेत. तर या केतू जिथे केतू ग्रह आधीच उपस्थित आहे. अशा स्थितीत दोन्ही ग्रहांची युती होणार आहे. ही युती सुमारे 18 वर्षांनी होणार असून काही राशींच्या व्यक्तींसाठी ही युती लाभदायक ठरणार आहे.

सूर्य आणि केतू यांचा संयोग अनेक राशींसाठी फायदेशीर ठरू शकणार आहे. यावेळी काही राशींना अचानक पैसे मिळू शकतात. तर काही राशींना करियरमध्ये चांगली संधी मिळू शकते. जाणून घेऊया या राशी कोणत्या आहेत.

वृश्चिक रास

सूर्य आणि केतूचा संयोग या राशीसाठी लाभदायक ठरणार आहे. तुमचं मन अध्यात्माकडे अधिक असणार आहे. संपत्ती मिळवण्याच्या तुमच्या इच्छा पूर्ण होतील. आर्थिक परिस्थितीत तुम्हाला खूप फायदा होणार आहे. तुम्हाला कामाच्या ठिकाणी लाभही मिळू शकतात. अनेक दिवसांपासून प्रलंबित असलेल्या तुमच्या अनेक इच्छा पूर्ण होऊ शकतात.

तूळ रास

या राशीमध्ये सूर्य बाराव्या भावात असणार आहे. या काळात तुमची आर्थिक स्थिती चांगली असू शकणार आहे. नव्या कमाईचे मार्ग उघडतील. नोकरदार लोकांना नोकरीच्या ठिकाणी काही नवीन जबाबदारी मिळू शकते. तुमच्या जोडीदारासोबत तुमचा वेळ चांगला जाईल. भविष्यासाठीही चांगली संपत्ती जमा करण्यात तुम्ही यशस्वी व्हाल.

मकर रास

या राशीमध्ये सूर्य आणि केतू यांचा संयोग नवव्या भावात असणार आहे. अशा स्थितीत या राशीच्या लोकांना नशिबाची पूर्ण साथ मिळणार आहे. समाजात मान-सन्मान वाढू शकतो. कुटुंबासह कोणत्याही धार्मिक स्थळी जाता येऊ शकतं. तुम्ही तुमच्या भविष्याबाबत मोठा निर्णय घेऊ शकता. करिअर आणि व्यवसायाच्या बाबतीतही तुम्हाला उत्कृष्ट परिणाम मिळणार आहे.

टीप : वरील सर्व साम टीव्ही केवळ माहिती म्हणून वाचक-प्रेक्षकांपर्यंत पोहोचवत आहे. यातून साम टीव्ही कोणताही दावा करत नाही.