तर काही स्वप्न काहीशी भयानक असतात. स्वप्न शास्त्रानुसार, आपण पाहत असलेली स्वप्न आपल्याला भविष्यात घडणाऱ्या इशाऱ्यांबाबत माहिती देतात. शास्त्रानुसार, तुम्हाला पडलेली स्वप्न तुमच्या घरी येणाऱ्या संपत्तीकडे इशारा करतात किंवा तुमच्यावर येणाऱ्या संकटाची चाहूल देतात.

अनेक वेळा एखाद्या आपल्याला स्वप्नामध्ये देवी-देवता दिसू लागतात. तर काही वेळा स्वप्नामध्ये प्राणी आणि पक्षी पाहतो. स्वप्नामध्ये प्राणी किंवा पक्षी दिसण्याचा नेमका अर्थ काय असतो हे तुम्हाला माहिती आहे का?

मधमाशीचं पोळं पाहणं

आपण अनेकदा अशी स्वप्न पाहतो, ज्यांचा आपल्या दैनंदिन जीवनात काहीही संबंध नसतो. जर तुम्हाला कधी स्वप्नात मधमाश्याचं पोळं दिसलं तर हे शुभ मानलं जातं. स्वप्न शास्त्रानुसार, असं स्वप्न पाहिल्यामुळे व्यक्तीच्या आयुष्यात वाढ होते.

स्वप्नामध्ये पोपट दिसणं

स्वप्न शास्त्रानुसार, जर तुम्हाला स्वप्नात कोणत्याही जातीचा पोपट दिसला तर हे स्वप्न शुभ मानलं जातं. असं म्हणतात, असा स्वप्नाने तुमच्या घरी लवकरच भरपूर पैसा येणार आहे. त्याशिवाय तुम्हाला करियरमध्ये चांगली संधी मिळण्याचीही शक्यता असते.

झाडावर भरपूर फळं दिसणं

स्वप्न शास्त्रानुसार, जर एखाद्या व्यक्तीला स्वप्नात झाडाला भरपूर फळं लागलेली दिसतं असतील तर हे देखील तुमच्यासाठी लाभदायक आहे. यावेळी तुमचं भाग्य लवकरच चमकणार असल्याचे हे संकेत असू शकतात. त्याचप्रमाणे तुम्हाला अचानक कुठून तरी पैसाही मिळू शकतो.

देवतांचं दर्शन होणं

स्वप्न शास्त्रानुसार, जर तुम्हाला स्वप्नामध्ये देवी-देवतांचे दर्शन होत असेल तर ते देखील खूप शुभ स्वप्न मानलं जातं. या स्वप्नाचा अर्थ असा आहे की, आगामी काळात तुमचे चांगले दिवस सुरू होणार आहेत.

( Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. साम टीव्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या. )