मौनी अमावस्या रविवारी झाली असून या अमावस्येनंतर ५ राशींच्या जीवनात मोठा बदल होणार आहे. कारण शनीच्या मकर राशीत सूर्य, मंगळ, बुध, शुक्र आणि चंद्र या पाच ग्रहांची युती होऊन 'पंचग्रही राजयोग' निर्माण झालाय. या महायोगामुळे अमावस्येनंतर आता ५ राशींच्या जातकांसाठी भाग्योदयाचा काळ सुरू झालाय. या काळात राशींना डबल लाभ होणार आहे.यात धनलाभासह करिअरमध्ये प्रगती साधता येणार आहे. ज्या राशींचे नशीब पालटणार त्या राशी कोणत्या हे जाणून घेऊ.

मेष

मौनी अमावस्येनंतर मेष राशीच्या लोकांच्या आत्मविश्वासात वाढ होईल. करिअरमध्ये एखादी मोठी जबाबदारी मिळू शकते. नवीन प्रोजेक्ट मिळू शकतात. आर्थिक चणचण होऊन धनलाभ होण्याचे योग आहेत. अडकलेली कामे मार्गी लागतील.

मिथुन

या राशीसाठी माघ महिना यशाची दारे उघडणारा ठरणार आहे. बुध आणि मंगळाच्या युतीचा मोठा फायदा या राशीच्या जातकांना होईल. नोकरी बदलण्याचा विचार करत असाल, तर त्यावर निर्णय पक्का करा. काहींना नव्या नामांकित कंपनीतून ऑफर मिळू शकते. परदेशाशी संबंधित कामात यश मिळण्याची शक्यता आहे.

कन्या

या राशीच्या लोकांसाठी हा काळ स्थिरता आणि आनंद आणणारा असेल. कौटुंबिक वाद मिटतील. घरातील वातावरण उत्साही राहील. नवीन वाहन किंवा मालमत्ता खरेदीचे योग येण्याची शक्यता आहे. मुलांकडून आनंदाची बातमी मिळेल. विद्यार्थ्यांसाठी हा काळ अत्यंत शुभ आहे.

मकर

राशीत ग्रहांची युती असल्याने तुमचे नशीब पालटणार आहे. आर्थिक स्थितीत सुधारणा होईल. उत्पन्नाचे एकापेक्षा जास्त स्रोत निर्माण होण्याची शक्यता आहे. समाजात तुमची प्रतिमा अधिक मजबूत होईल. अविवाहितांसाठी विवाहाचे प्रस्ताव येण्याचे योग्य आहेत.

कुंभ

या राशीच्या लोकांसाठी माघ महिना लाभकारी ठरणार आहे. शनी आणि बुधाच्या प्रभावामुळे नशिबाची साथ मिळण्याची शक्यता आहे. आर्थिक अडचणी दूर होत धनलाभ होण्याची शक्यता आहे. तुमच्या कष्टाचे गोड फळ मिळेल. आरोग्याशी संबंधित तक्रारी दूर होतील.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही.