वैदिक ज्योतिष्य शास्त्रानुसार, ग्रहांचा सेनापती मंगळ सध्या मिथुन राशीमध्ये विराजमान आहे. ३ एप्रिल रोजी मंगळ गोचर करणार असून तो कर्क राशीमध्ये प्रवेश करणार आहे. मंगळाला साहस, ऊर्जा, शक्ती तसंच पराक्रम यांचा कारक मानला जातो. अशा परिस्थितीत मंगळाच्या राशी बदलाचा प्रत्येक राशीच्या व्यक्तीवर काही ना काही परिणाम होत असो. मंगळ या राशीमध्ये जून महिन्यापर्यंत राहणार असून यावेळी त्याची इतर ग्रहांशी युती देखील होणार आहे.

चंद्राशी होणार मंगळाची युती

या काळात मंगळ ग्रहाची चंद्राशी युती होणार आहे. पुढच्या महिन्यात म्हणजेच ५ एप्रिल रोजी चंद्र कर्क राशीत प्रवेश करणार आहे. अशात मंगळ आणि चंद्राची युतीने महालक्ष्मी राजयोग तयार होणार आहे. या राजयोगाची निर्मिती काही लोकांच्या आयुष्यात सुखाचे क्षण आणणार आहे. जाणून घेऊया यावेळी कोणत्या राशींना फायदा होणार आहे.

तूळ रास

मंगळ आणि चंद्रामुळे तयार होणार्‍या महालक्ष्मी राजयोगामुळे या राशीला लाभ होणार आहे. करियरमध्ये किंवा व्यापारात तुम्हाला फायदा होणार आहे. दीर्घकाळापासून रखडलेली कामं आता पूर्ण होणार आहेत. कामाच्या ठिकाणी वरिष्ठांसोबतचे तुमचे संबंध चांगले राहणार आहेत. कुटुंबासोबत चांगला वेळ घालवाल.

कन्या रास

या राशीच्या लग्न भावामध्ये महालक्ष्मी राजयोगाची निर्मिती होणार आहे. या राशींच्या व्यक्तींना प्रत्येक कार्यामध्ये यश मिळेल. अचानक धनलाभ होण्याची शक्यता आहे. व्यापारात तुम्हाला चांगला नफा मिळू शकतो. तुमच्या सर्व आर्थिक इच्छा या काळात पूर्ण होणार आहेत.

मकर रास

या राशीच्या सातव्या भावात हा राजयोग निर्माण होत असल्याने या राशीच्या व्यक्तींनाही लाभ मिळणार आहे. या काळात तुम्हाला लग्नाचे उत्तम प्रस्ताव येणार आहेत. पार्टनरसोबत असलेल्या सगळ्या समस्या संपुष्टात येणार आहेत. कामाच्या ठिकाणी तुम्हाला प्रत्येकाकडून सहकार्य लाभणार आहे.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)