ज्योतिषशास्त्रानुसार ग्रहांचा वक्री आणि मार्गी होणं या केवळ आकाशातील घटना नाहीयेत. त्याचा परिणाम थेट पृथ्वीवर आणि व्यक्तींच्या जीवनावर होत असतो. अशाच एका महत्त्वाच्या आणि शुभ घटनेचा काळ पुन्हा एकदा आला आहे. यामध्ये देवतांचा गुरु बृहस्पती १२ वर्षांनंतर वक्री होणार आहेत आणि याच घटनेमुळे हंस महापुरुष राजयोग तयार होणार आहे.

हा विशेष योग ऑक्टोबर २०२५ मध्ये निर्माण होणार आहे. हंस योग हा अतिशय शुभ आणि सन्मान, समृद्धी देणारा राजयोग मानला जातो. त्यामुळे काही भाग्यशाली राशींना याचा विशेष लाभ होणार असून अचानक धनलाभ, व्यवसायात यश, प्रमोशन, कौटुंबिक आनंद येणार आहे.

कन्या रास

कन्या राशीसाठी हा योग खूपच शुभ आहे. कारण हंस योग त्यांच्या गोचर कुंडलीतील ११ व्या भावात तयार होणार आहे. लाभ, कमाई आणि इच्छा पूर्ण होण्याचा भाव मानला जातो. या काळात आपली आर्थिक स्थिती भक्कम होणार आहे. वेतनवाढीची शक्यता आहे आणि गुंतवणुकीतून मोठा नफा होऊ शकतो.

वृश्चिक रास

वृश्चिक राशीसाठी बृहस्पती नवम भावात वक्री होणार आहे. जो भाग्य आणि धर्मभावाचं घर आहे. त्यामुळे हा कालखंड अत्यंत शुभ ठरणार आहे. यावेळी भाग्याची साथ मिळणार आहे. याशिवाय अडकलेली कामं मार्गी लागणार आहेत. या काळात धर्म आणि आध्यात्मिक कामांमध्ये तुमची रुची वाढणार आहे.

तूळ रास

तूळ राशीसाठी राशीसाठी हंस योग दशम भावात म्हणजेच कर्म आणि करिअर भावात होतोय. त्यामुळे या राशीच्या लोकांसाठी हा काळ अत्यंत फायदेशीर ठरणार आहे. प्रमोशन, नवीन जबाबदाऱ्या आणि सामाजिक प्रतिष्ठेत वाढ होण्याची शक्यता आहे. व्यवसाय करणाऱ्यांना चांगली डील मिळू शकते आणि उत्पन्नात वाढ होणार आहे.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)