नवीन मालिका प्रेक्षकांचे मनोरंजन करण्यासाठी सज्ज आहेत. तशाच जुन्या मालिका देखील आता प्रेक्षकांचा निरोप घेत आहेत. मराठी टेलिव्हिजनवरील आणखी एक मालिका प्रेक्षकांचा निरोप घेत आहे. नुकताच मालिकेचा शेवटचा भाग शूट झाला आहे. मालिकेच्या मुख्य अभिनेत्रीने याची खास पोस्ट सोशल मीडियावर चाहत्यांसोबत केली आहे. या मालिकेने खूप कमी वेळात प्रेक्षकांच्या मनावर राज्य केले आहे. ही मालिका दुसरी-तिसरी कोणी नसून 'झी मराठी' वाहिनीवरील 'शिवा' (Shiva) मालिका आहे.

आता लवकरच 'शिवा' मालिका प्रेक्षकांचा निरोप घेणार आहे. मालिकेची मुख्य अभिनेत्री पूर्वा कौशिकने सोशल मीडियावर पोस्ट करून ही माहिती चाहत्यांना दिली आहे. तिने शेवटच्या दिवसाच्या शूटिंगचे फोटो आणि व्हिडीओ इन्स्टाग्रामवर शेअर केले आहे. ज्याला तिने खूप खास कॅप्शन दिलं आहे. तिने लिहिलं की, "सगळं काही बदलण्यापूर्वी One Last Time…" 'शिवा' मालिका संपणार असल्याची चर्चा खूप काळापासून सोशल मीडियावर सुरू होती. त्यामुळे चाहते खूपच नाराज झाले आहेत.

'शिवा' मालिकेत मुख्य भूमिकेत पूर्वा कौशिक आणि शाल्व किंजवडेकर पाहायला मिळाले. ही मालिका 12 फेब्रुवारी 2024ला प्रेक्षकांच्या भेटीला आली होती. 'शिवा' मालिकेचा शेवटचा भाग 8 ऑगस्टला प्रसारित केला जाणार आहे. पूर्वा कौशिकने शेअर केलेल्या फोटोंमध्ये तिची शेवटचा 'शिवा' लूक पाहायला मिळत आहे. तसेच मालिकेचे शेवटच्या दिवसाचे शूटिंग होताना पाहायला मिळत आहे.

नवीन मालिका

ऑगस्ट महिन्यात दोन मालिका प्रेक्षकांच्या भेटीला येणार आहेत. 11 ऑगस्टपासून 'वीण दोघांतली ही तुटेना' आणि 'तारिणी' या दोन मालिका नव्या सुरू होणार आहे. 'वीण दोघांतली ही तुटेना' मालिकेत तेजश्री प्रधान आणि सुबोध भावे मुख्य भूमिकेत दिसणार आहेत. 'तारिणी' मालिकेत शिवानी सोनार मुख्य भूमिकेत दिसणार आहे.'वीण दोघांतली ही तुटेना' संध्याकाळी 7.30 वाजता पाहता येणार तर 'तारिणी' रात्री 9.30 वाजता प्रसारित होणार आहे.