Rajasthan's Nandini Gupta wins Femina Miss India 2023: नंदिनी गुप्ता फेमिना मिस इंडिया 2023 ची विजेती ठरली आहे. काल रात्री एका भव्य सोहळ्यात नंदिनीला फेमिना मिस इंडिया वर्ल्ड २०२३ चा मुकुट प्रदान करण्यात आला. दिल्लीची श्रेया पुंजा ही पहिली उपविजेती ठरली आणि मणिपूरची थौनाओजम स्ट्रेला लुवांग ही दुसरी उपविजेती ठरली. युनायटेड अरब एमिरेटमध्ये होणाऱ्या 71व्या मिस वर्ल्ड स्पर्धेत नंदिनी भारताचे प्रतिनिधित्व करणार आहे.

नंदिनी गुप्ता 19 वर्षांची आहे आणि ती राजस्थान, कोटा येथील आहे. मिस वर्ल्ड इंडिया नंदिनीने बिझनेस मॅनेजमेंटची पदवी घेतली आहे. ती एक मॉडेल आणि विद्यार्थिनी आहे मिस इंडिया संस्थेच्या मते, रतन टाटा हे नंदिनीच्या आयुष्यातील सर्वात प्रभावशाली व्यक्ती आहेत.

"रतन टाटा मानवतेसाठी सर्वकाही करतात आणि त्यातील बहुतांश दानधर्मासाठी करतात. लाखो लोक त्यांच्यावर प्रेम करतात, असे असले तरी ते नेहमी जमिनीवर असतात" असे तिने एका मुलाखतीत सांगितले. याव्यतिरिक्त, प्रियांका चोप्राला नंदिनी तिची प्रेरणा मानते.

मिस इंडिया इंस्टाग्राम पेजने नंदिनीच्या विजयी क्षणाचे पोट पोस्ट केले आहेत, “जग - ती येते! नंदिनी गुप्ताने आमचा रंगमंचावर विजय मिळवला आहे आणि तिच्या चुंबकत्व, मोहिनी, सहनशक्ती आणि सौंदर्याने आमच्या हृदयाचा ताबा घेतला आहे!

आम्हाला खूप अभिमान आहे आणि तिला मिस वर्ल्ड स्टेजवर पाहण्याची आम्ही आतुर आहोत! तुझ्या प्रवासाचा आणि तुझ्या पूर्ण श्रेयावर मुकुट मिळविण्यासाठी तू घेतलेल्या सर्व परिश्रमांचा आम्हाला अभिमान आहे. स्वतःला अशीच चमकत राहा! देशाची नवीन राणी, नंदिनी गुप्ता, फेमिना मिस इंडिया वर्ल्ड 2023 चे स्वागत आहे.”

दरम्यान, नंदिनीने सौंदर्य स्पर्धेची ५९ वी आवृत्ती जिंकली. या कार्यक्रमात कार्तिक आर्यन आणि अनन्या पांडे यांनी सादरीकरण केले आणि मनीष पॉल आणि भूमी पेडणेकर यांनी कार्यक्रमाचे सूत्रसंचालन केले.

फेमिना मिस इंडियाची 59 वा सोहळा यावर्षी खुमन लम्पक, इंफाळ, मणिपूरमध्ये येथील इनडोअर स्टेडियममध्ये आयोजित करण्यात आला होता.