बॉलिवूडचा भाईजान अभिनेता सलमान खानचा एक व्हिडिओ सोशल मीडियावर सध्या तुफान व्हायरल होत आहे. या व्हिडिओत सलमान याने काळवीटाची शिकार केल्याची कबुली दिली असल्याचा दावा करण्यात आला आहे. मात्र सलमानने खरंच काळवीटाच्या शिकारीची कबुली दिली होती? या व्हायरल व्हिडिओमागचं नेमकं काय आहे सत्य? हेच आपण जाणून घेणार आहोत.
अलीकडेच राष्ट्रवादी अजित पवार गटाचे नेते बाबा सिद्धिकी गोळ्या झाडून हत्या करण्यात आली होती. बाबा सिद्धिकी हे सलमान खान याचे निकटवर्तीय असल्याचं बोललं जातं. सिद्धीकी यांच्या हत्यानंतर सलमान खान याच्या सुरक्षेत वाढ करण्यात आली आहे.
गेल्या अनेक महिन्यांपासून लॉरेन्स बिश्नोईकडून सलमानला जीवे मारण्याच्या धमक्या मिळत आहे. काळवीट हे बिश्नोई समाजासाठी पूजनीय आहे. यातच हम सात, सात हैं चित्रपटादरम्यान सलमान खान याने काळवीटाची शिकार केल्याचा आरोप आहे. याशीच संबंधित एक व्हिडिओ सोशल मीडियावर व्हायरल होत आहे. ज्यात सलमान काळवीटाची शिकार केल्याची कबुली देताना दिसत आहे. मात्र हा व्हिडिओ खरा आहे का? याबाबत प्रश्न चिन्ह आहे.
काळवीटाची शिकार मी केली नव्हती, असं सलमानने या मुलाखतीत म्हटलं होतं. पुढे त्याने “हे प्रकरण खूप मोठं आहे. काळवीटाची शिकार करणारा मी नव्हतोच”, असं सांगितलं आहे. पण मी कोणाला काही बोलणार नाही, पुढे त्याला तू हे स्वतःवर का घेतलंस असं विचारल्यावर सलमान म्हणाला “आता काहीच अर्थ नाही” असं तो म्हणला.