बॉलिवूडची क्युट जोडी विकी कौशल (Vicky Kaushal ) आणि कतरिना कैफ (Katrina Kaif Pregnancy ) लवकरच आई-बाबा होणार आहेत. सप्टेंबर महिन्यात त्यांनी ही गुडन्यूज चाहत्यांना दिली आहे. कतरिनाने बेबी बंप फ्लॉन्ट करत विकी कौशलसोबतचा फोटो शेअर करून चाहत्यांना आनंदाची बातमी दिली. मीडिया रिपोर्टनुसार, कतरिना कैफ ऑक्टोबर महिन्यात बाळाला जन्म देणार आहे. अशात आता विकी कौशलने देखील कतरिना कैफच्या डिलिव्हरीबद्दल हिंट दिली आहे.

विकी कौशल काय म्हणाला?

मुलाखतीत होणाऱ्या बाळा विषयी बोलताना विकी कौशल म्हणाला, "बाबा होणे...हा सर्वात मोठा आशीर्वाद आहे." नुकतेच 'युवा'शी बोलताना म्हणाला, "मी खरोखर त्याची वाट पाहत आहे. मला वाटते की हा एक मोठा आशीर्वाद आहे. वेळ खूप जवळ आली आहे. मला वाटत नाही की मी घराबाहेर पडेन. (मुझे लग रहा है के मैं घर से नही निकालने वाला हूं )"

तसेच विकी कौशलला इंडस्ट्रीत 10 वर्ष पूर्ण झाली आहेत. यावर तो म्हणाला, "ही फक्त सुरुवात आहे. मला अजून खूप काही करायचे आहे. शिकायचे आहे. आनंद पसरवायचा आहे." विकी कौशलने आजवर अनेक सुपरहिट चित्रपटांमध्ये काम केले आहे. त्याच्या अभिनयाचे जगभरात चाहते आहेत.

विकी कौशल - कतरिना कैफ

विकी कौशल आणि कतरिना कैफने 2021 मध्ये लग्नगाठ बांधली आहे. लग्नाच्या 4 वर्षांनी ही दोघे आपल्या पहिल्या बाळाचे स्वागत करणार आहेत.विकी कौशलचा 'छावा' चित्रपट खूप गाजला.