Katrina Kaif Vicky Kaushal Diwali Celebration: दिवाळी सर्वांच्या जीवनात आनंद आणि प्रेम घेऊन येते. हा सण सगळ्यांसाठी खास असतो. जेव्हा तुम्ही पहिल्यांदा तुमच्या जोडीदारासोबत दिवाळी सेलिब्रेट करत असाल तर ती आणखी खास होते. त्यात लग्नानंतरची पहिली दिवाळी जरा जास्तच खास असते.

बॉलिवूडमधील अनेक सेलिब्रिटी हे नुकतेच त्यांच्या लग्नानंतर पहिली दिवाळी साजरी करत आहेत. बरं, विकी कौशल आणि कतरिना कैफ यांनी ९ डिसेंबर २०२१ रोजी लग्न केले. ही त्यांची पहिली दिवाळी आहे आणि ते ती अतिशय सुंदर पद्धतीने साजरी करत आहेत.

कतरिना कैफने (Katrina Kaif) इन्स्टाग्रामवर पती विकी कौशलसोबतचे फोटो शेअर केले. तिने फोटो शेअर करत सर्वांना दिवाळीच्या शुभेच्छा दिल्या. कतरिना पिवळ्या रंगाच्या साडीत चमकदार दिसत होती तर विकी पांढऱ्या कुर्त्यात देखणा दिसत होता.

दिवाळीच्या पहिल्या दिवशी विकी कौशलने (Vicky Kaushal) कतरिनासोबत लक्ष्मीपूजन करतानाचा एक फोटोही शेअर केला आहे. तसेच 'घरातील लक्ष्मीसह लक्ष्मीपूजन केले. तुम्हा सर्वांना आमच्याकडून दीपावली हार्दिक शुभेच्छा', असे कॅप्शन देखील दिले आहे.

विकी कौशल 'सॅम बहादूर बायोपिक', 'द इमॉर्टल अश्वथामा'मध्ये आपल्याला दिसणार आहे. तसेच तो सारा अली खानसोबत ही एका चित्रपटातही दिसणार आहे. (Movie)

'मेरी ख्रिसमस'मध्ये कतरिना कैफ विजय सेतुपतीसोबत दिसणार आहे. सलमान खानसह तिचा 'टायगर 3' पुढच्या वर्षी दिवाळीत प्रदर्शित होणार आहे. अभिनेत्री सध्या तिच्या 'फोन भूत' या चित्रपटाचे प्रमोशन करत आहे, जो 4 नोव्हेंबरला प्रदर्शित होणार आहे. (Diwali)

'फोन भूत'ची निर्मिती एक्सेल एंटरटेनमेंटने केली आहे, याचे दिग्दर्शन 'मिर्झापूर' फेम दिग्दर्शक गुरमीत सिंग यांनी केले आहे. या चित्रपटात सिद्धांत चतुर्वेदी आणि ईशान खट्टर यांच्याही प्रमुख भूमिका आहेत.