Raja Bapat News: जेष्ठ अभिनेते राजा बापट यांचे निधन झाले आहे. अभिनेते राजा बापट यांचे काल (२६ डिसेंबर, २०२२) हृदयविकाराच्या झटक्याने निधन झाले. वयाच्या ८५व्या वर्षी त्यांनी जगाच निरोप घेतला. राजा बापट यांनी बालकलाकार म्हणून अभिनय क्षेत्रात पाऊल ठेवले होते.

राज बापट हे युनियन बँकेतुन मॅनेजर म्हणून निवृत्त झाले होते. बँकेत काम करताना त्यांनी अभिनय करण्याचा छंद देखील जोपासला. सिद्धार्थ कॉलेजमधून त्यांनी त्यांचे शिक्षण पूर्ण केले होते. तसेच कॉलेजमध्ये असतानाच त्यांनी नाटकांमध्ये काम करण्यास सुरूवात केली होती.

राजा बापट यांनी मराठीसह हिंदी आणि इंग्रजी नाटकांमध्ये सुद्धा काम केले होते. 'एकटी', 'जावई विकत घेणेआहे' या चित्रपटांमध्ये भूमिका साकारल्या आहेत. 'यशोदा', 'श्रीमंत', 'हमीदाबाईची कोठी', 'पप्पा सांगा कुणाचे', 'शांतुतल', 'सागर माझा प्राण', 'जन्मदाता', 'शांतता कोर्ट चालू आहे' या नाटकांमध्ये विविधरंगी भूमिका पार पडल्या होत्या. राजा बापट यांनी अनेक मराठी मालिकांमध्ये देखील कामी केले आहे.

राजा बापट यांच्या मागे त्यांच्या पत्नी सुषमा, मुलगी शिल्पा, जावई गिरीश म्हसकर आणि नातवंडं असा परिवार आहे. त्यांच्या निधनाने मनोरंजनसृष्टीत शोक पसरला आहे.