टीव्ही स्टार अनिता हसनंदानी (Anita Hassanandani) हीने आपल्या अभिनयाने प्रेक्षकांच्या मनावर राज्य केले आहे. तिने अनेक हिट मालिका केल्या आहेत. सध्या ती सुमन इंदोरी या शोमधून प्रेक्षकांची मने जिंकत आहे. अनिता हसनंदानीला 'ये है मोहब्बतें' या मालिकेतून विशेष लोकप्रियता मिळाली. अनिता सोशल मीडियावर देखील खूप सक्रिय असते. आपल्या विविध लूकचे फोटो ती शेअर करते.

अनिता हसनंदानीने एका मिडिया मुलाखतीत तिच्यासोबत घडलेला एक किस्सा शेअर केला आहे. ज्यात ती 9 किंवा 10 वर्षांची असताना तिला विनयभंगाच्या घटनेला सामोरे जावे लागले होते. यावेळी ती शाळेत होती.

अनिता हसनंदानीने सांगितलेला किस्सा असा आहे की, शाळेत असताना तिच्यासोबत एक विनयभंगाची घटना घडली होती. ती म्हणाली, आम्ही शाळेत जाताना रिक्षाने जायचो. आई रिक्षासाठी 10 रुपये द्यायची तर शाळेतून परत येताना आम्ही पायी यायचो. आम्ही समोसे किंवा कॅन्टीनमध्ये काहीतरी खायला पैसे वाचवायचो आणि घरी पायी जायचो. जेव्हा आम्ही पायी जायचो तेव्हा तेथे एक रिक्षावाला असायचा.

"एक रिक्षाचालक पॅन्ट खाली उतरवून आम्हाला घाण नजरेने पाहायचा आणि स्वतःला स्पर्श करू लागायचा" असे तो नेहमी करायचा. त्यानंतर अभिनेत्रीने आपल्या शाळेचा रस्ता बदलला. तरी तिला भीती होती की ड्रायव्हर अजूनही तिचा पाठलाग करेल. अभिनेत्री पुढे म्हणाली की, "त्याला रस्ता माहित होता आणि त्याच्याकडे रिक्षाही होती, त्यामुळे शाळेच्या आजूबाजूला रिक्षा आली की आम्ही घाबरायचो."