शोएब इब्राहिम (Shoaib Ibrahim) आणि दीपिका कक्कर (Dipika Kakar) हे टिव्हीचे गाजलेले कपल आहे. हे दोघ नेहमीच कोणत्या ना कोणत्या कारणांमुळे चर्चेत असतात. या जोडप्याचा मोठा चाहता वर्ग आहे. हे दोघेही सोशल मीडियावर खूप सक्रिय असतात.

दीपिका आणि शोएबने त्यांच्या एका व्लॉगमध्ये त्यांच्या जीवनातील काही गोष्टींचा खुलासा केला आहे. त्यांनी जुन्या आठवणींना उजाळा दिला आहे. त्यांच्या व्लॉगमध्ये अभिनेता शोएब इब्राहिम कपड्यांना इस्त्री करताना दिसत आहे. तेव्हा त्यांनी आपला एक जुना किस्सा सांगितला आहे. ज्यात शोएब वडिलांचे कपडे इस्त्री करायचा आणि त्याला त्याबद्दल पैसे मिळायचे. शोएबने सांगितले की, "मी लहानपणी कपडे फोल्ड करायचो तेव्हा बाबा मला दोन रुपये द्यायचे. जेव्हा मी चौथी-पाचवीला गेलो तेव्हा कपड्यांना इस्त्री करायला लागलो. तेव्हा त्या बदल्यात त्यांना वडील मला 2 रुपये द्यायचे. मी आठवड्यातून तीन दिवस वडिलांचे कपडे इस्त्री करून 6 रुपये मिळवायचो."

दीपिका कक्करही आपल्या जुन्या आठवणींना उजाळा देत बोलते की, आम्हाला पॉकेटमनी म्हणून 2,5,10 रुपये मिळायचे. शोएब लहानपणी खूप काटकसरीने जगला आहे. शोएबने पुढे सांगितले की, "मी लहानपणी दूध घेण्यासाठी धावायचो. कारण दुधाचे 50 पैसे किंवा 1 रुपया मिळायचा. जो मी साठवायचो आणि पैसे वाचवून पाणीपुरी खायचो. या जुन्या दिवसांत मी भोपाळला 1 रुपयात राहायचो."

शोएब इब्राहिम आणि दीपिका कक्कर यांनी अनेक हिट मालिकांमध्ये काम केले आहे. चाहत्यांना यांचा अभिनय खूप आवडतो.दीपिका कक्कर ही 'बिग बॉस 12' ची विजेता देखील राहिली आहे.