Ashvini Mahangade And Neelesh Jagdale Shared Romantic Video: टेलिव्हिजन अभिनेत्री आश्विनी महांगडे टेलिव्हिजन क्षेत्रातून प्रसिद्धीझोतात आली होती. आश्विनी नेहमीच सोशल मीडियावर सक्रिय असते. नेहमीच तिच्या पोस्टमुळे चर्चेत राहणारी अभिनेत्री सध्या एका वेगळ्याच कारणामुळे चर्चेत आली आहे.

नुकतंच तिने तिच्या वैयक्तिक आयुष्यातील एक पोस्ट शेअर केली आहे. तिने ही खास पोस्ट शेअर केली आहे खास तिच्या लाईफपार्टनर साठी. तिला तिचा लाईफपार्टनर मे महिन्यातच मिळाला होता. ही गुड न्यूज तिने सोशल मीडियाच्या माध्यमातून शेअर केली होती. तिच्या लाईफ पार्टनरचे नाव नीलेश जगदाळे असं आहे.

नुकताच आश्विनीने सोशल मीडियावर तिच्या नीलेशसोबतचा एक व्हिडिओ शेअर केला आहे. तो व्हिडीओ शेअर करताना अभिनेत्री म्हणते, “ “प्रेम” या शब्दाला एका भावनेत कैद नाही करता येणार. अनेक सुखं- दुखं:, समाधान, शांती, संकटं, परीक्षा असे एक ना अनेक गोष्टीतून जाण्याचा प्रवास आहे तो. आलेले कठीण प्रसंग प्रेमाला अधिक आकार देत असतात. त्यातून बाहेर पडता नाही आले तर थोडे थांबा, विसावा घ्यावा आणि परत एकदा तो प्रवास करण्यासाठी सज्ज व्हावे.”

तिच्या मनातील भावना शेअर करत असताना पोस्टमध्ये आश्विनी म्हणते, “एक गोड, सुंदर नातं म्हणजे काय? खरे तर खूप लोक यावर छान छान बोलतात. आपण बऱ्याच ठिकाणी “नातं” यावरचे लेख वाचतो. पण माझ्या मते तो एक अनुभव आहे. हजारो चढ उतार प्रत्येकाच्या आयुष्यात येत असतात, स्वभाव वेगवेगळे असतात आणि प्रत्येकामध्ये गुण, दोष असतात. पण कोणत्याही परिस्थितीत आपल्यासोबत कोण आहे यावर त्या व्यक्तींचे नाते ठरते. प्रवास हा प्रत्येकाचा स्वतंत्र असतो पण त्या प्रवासात आपली माणसं सोबत असतील तर तो प्रवास सुखद आणि सोप्पा होतो.” आपल्या लाईफ पार्टनरबद्दलच्या मनातील भावना यावेळी अभिनेत्रीने चाहत्यांसोबत शेअर केले आहे.

आश्विनी शेअर केलेला हा व्हिडीओ एका लग्नातला असून अभिनेत्रीने लग्नामध्ये गुलाबी रंगाचा घागरा घातला असून त्यात ती खूपच सुंदर दिसत आहे. तर नीलेशने यावेळी लग्नात पांढऱ्या रंगाचा कुर्ता पायजमा परिधान केला आहे. आश्विनीने शेअर केलेला हा व्हिडीओ सध्या सोशल मीडियावर तुफान व्हायरल होत असून चाहते. व्हिडीओत नीलेश अश्विनीचा ड्रेस नीट करण्यास मदत करत असून नंतर ते रोमँटिक पोजेस देखील देताना दिसत आहे.

नीलेश फार्मफ्रेश ऑरगॅनिक फ्रेशचा मालक असून त्याने अश्विनीसोबत पार्टनरमध्ये ‘फ्लाइंग एन्जल लेट्स फ्लाय’ ही कंपनीदेखील सुरू केली आहे. अश्विनीने मे महिन्यात नीलेशबरोबरच्या नात्याबद्दलची माहिती सोशल मीडियावरून चाहत्यांना दिली होती. (Marathi Actress)

आश्विनीच्या वर्कफ्रंटबद्दल बोलायचे तर, ‘आई कुठं काय करते’ मालिकेत आश्विनीने अनघा हे पात्र साकरले असून ‘स्वराज्य रक्षक संभाजी’ या मालिकेतही या अभिनेत्रीने राणू अक्काचे पात्र साकारले होते. या दोन्ही मालिकेमुळे अभिनेत्री घराघरात प्रसिद्ध झाली आहे. सोबतच अभिनेत्री प्रेक्षकांना ‘पुण्यश्लोक अहिल्याबाई होळकर’ या आगामी चित्रपटातही ऐतिहासिक पात्र साकारणार असून चित्रपटाची सध्या शूटिंग सुरू आहे. या चित्रपटात अभिनेत्री पुण्यश्लोक अहिल्याबाई होळकर यांची भूमिका साकारणार आहे. सोबतच केदार शिंदे दिग्दर्शित ‘महाराष्ट्र शाहीर’ चित्रपटात शाहीर साबळे यांच्या पत्नीची अर्थात माईंची भूमिका तिने साकारली. (Entertainment News)