मनोरंजन विश्वातून दुःखद बातमी समोर आली आहे. टिव्ही विश्वातील प्रसिद्ध अभिनेत्याचे निधन झाले आहे, ज्यामुळे मनोरंजन विश्वावर शोककळा पसरली आहे. 'बॉईज व्हायब' या रिॲलिटी शोमधून लोकप्रियता मिळवलेला तरुण अभिनेता जॉर्ज फुमहिरुन (Jorjay Phumhirun) याचे निधन झाले आहे. अभिनेत्याच्या अचानक निधनाने कुटुंबावर दुःखाचा डोंगर कोसळला आहे.

e24bollywood च्या वृत्तानुसार, अभिनेता जॉर्ज फुमहिरुन याने अवघ्या वयाच्या २० व्या वर्षी अखेरचा श्वास घेतला आहे. अभिनेत्याच्या निधनाच्या बातमीने मनोरंजन विश्वाला धक्का बसला आहे. अभिनेत्याच्या निधनाची बातमी समजताच कलाकार आणि चाहते सोशल मीडियाच्या माध्यमातून अभिनेत्यावर श्रद्धांजली वाहत आहेत.

जॉर्ज फुमहिरुनने तरुण वयातच स्वतःची ओळख निर्माण केली होती. 'बॉईज व्हायब'मधील त्याच्या प्रभावी अभिनयाने तो प्रेक्षकांच्या मनात घर करून गेला. त्याचे निरागस हास्य, उत्कृष्ट अभिनय आणि सकारात्मक स्वभावामुळे त्याला अल्पावधीतच मोठा चाहतावर्ग मिळाला होता. म्हणूनच त्याच्या निधनाची बातमी ऐकून त्याच्या चाहत्यांना विश्वासच बसत नाही.अद्याप अभिनेत्याच्या मृत्यूच्या कारणाबाबत कोणतीही अधिकृत माहिती जाहीर करण्यात आलेली नाही. त्याच्या कुटुंबाने किंवा त्याच्या टीमनेही या प्रकरणी सविस्तर निवेदन जारी केलेले नाही.

जॉर्जचे अनेक जुने व्हिडिओ आणि फोटो सोशल मीडियावर व्हायरल होत आहेत. जॉर्ज फुमहिरुनचा जन्म १५ ऑक्टोबर २००५ रोजी झाला. 'बॉईज व्हायब द प्रोजेक्ट'या शोमुळे त्याला मोठी ओळख मिळाली.