बिग बॉस मराठी सीझन 5 सध्या जबरदस्त चर्चेत आहे. बिग बॉसच्या घरात स्पर्धकांची जबरदस्त खेळी पाहायला मिळते आहे. शनिवारी आणि रविवारी भाऊच्या धक्क्यावर हा कार्यक्रम पार पडला. यावेळी बिग बॉस रितेश देशमुखने स्पर्धकांना हटके टास्क दिला होता. ज्यामुळे स्पर्धकांनी हा खेळ रंगवून सोडला.

भाऊच्या धक्क्यावर स्पर्धकांना 'जोडीचा मामला' असा टास्क देण्यात आला होता. दरम्यान बिग बॉसने अरबाज- आर्या, निक्की- अभिजीत, अंकिता- वर्षा, पॅडी- घन:श्याम, वैभव- डीपी स्पर्धकांच्या जोड्या बनवल्या. यानुसार स्पर्धकांनी जबरदस्त डान्स केला.

जान्हवी - सूरजचा भन्नाट डान्स

जान्हवी आणि सूरजने कोंबडी पळाली या गाण्यावर डान्स करत सर्वांचेच होश उडवले. या दोघांच्या हुकस्टेप्सने लक्ष वेधले. यावेळी या दोघांनी सूरज चव्हाणच्या फेमस 'झापूक झुपूक' वर देखील हुकस्टेप केली. सोशल मीडियावर या दोघांच्या डान्सची तुफान चर्चा आहे. नेटकऱ्यांनी जान्हवी आणि सूरजच्या डान्सचे कौतुक केले आहे.

निक्की- अभिजीतचा डान्स

निक्की आणि अभिजीतने कपल डान्स केला. यावेळी निक्की आणि अभिजीतने मैत्रीच्या गाण्यावर डान्स करत सर्वांच्याच नजरा वेधल्या आहेत. शाहरूख आणि काजोल यांच्या चित्रपटातील 'कुछ कुछ होता है' चित्रपटातील 'ये लडका है दीवाना' या गाण्यावर या दोघांनी डान्स परफॉर्मन्स केला आहे. निक्की आणि अभिजीतच्या डान्स व्हिडीओवर नेटकऱ्यांनी कमेंट्सचा वर्षाव केला आहे.