मुंबई : बॉलिवूडची 'बेबी डॉल' सनी लिओनी(Sunny Leone) गेल्या काही काळापासून मनोरंजन विश्वापासून दूर आहे. सनी शेवटची 'अनामिका' चित्रपटात दिसली होती. नुकताच सनी लिओनीचे एक गाणं रिलीज झाले असून ते यूट्यूबवर धुमाकूळ घालत आहे. 'नाच बेबी'असे तिचे या गाण्याचं नाव आहे. गाण्यात सनीचा 'देसी' अवतार पाहायला मिळतो आहे. गाण्यामध्ये सनी लेहेंगा चोलीमध्ये जबरदस्त डान्स करताना दिसते आहे. सनी लिओनीसह प्रसिद्ध कोरिओग्राफर रेमो डिसूजाची झलक प्रेक्षकांना पाहायला मिळत आहे. 'नाच बेबी'(Naach Baby) या गाण्यामध्ये दोघींची केमिस्ट्री चाहत्याचं लक्ष वेधून घेते आहे.

सनी लिओनीने तिच्या इन्स्टाग्राम अकाउंटवरून 'नाच बेबी' हे गाणे रिलीज केले आहे. मागील अनेक दिवसांपासून अभिनेत्री सनी लिओनी सोशल मीडियावर गाण्याचे प्रमोशन करत होती. अलीकडेच गाण्याचा टीझर रिलीज झाला त्यानंतर चाहतेही तिच्या 'नाच बेबी' गाण्याच्या प्रतिक्षेत होते.अखेर हे गाणं प्रेक्षकांच्या भेटीला आले आहे.

भूमी त्रिवेदी आणि विपिन पटवा यांनी हे गाणं संगीतबद्ध केलं असून या गाण्याचे गीत कुमार यांनी लिहिले आहेत. गाण्यात सनीसोबत नुत्य दिग्दर्शक रेमो डिसूझाच्या जबरा डान्स मूव पाहायला मिळते आहे. प्रदर्शित झाल्यापासून या गाण्याला काही तासातच हजारो लाइक्स आणि कमेंट्स आल्या आहेत.

सनी लिओनी बॉलिवूड चित्रपटांमध्ये अनेक आयटम सॉंग्स केले आहे. याशिवाय तिने काही म्युझिक व्हिडिओंमध्येही तिचे नृत्य कौशल्य दाखवले असून आता पुन्हा एकदा सनीची नवीन झलक पाहायला मिळत आहे.

सनी लिओनीने आपल्या फिल्मी करिअरची सुरुवात 'जिस्म २' मधून केली. चित्रपटांमधील तिचा बोल्ड लूक आणि डान्स प्रेक्षकांच्या पसंतीस आला. ओटीटीवर रिलीज झालेल्या 'अनामिका' या चित्रपटात ती शेवटची दिसली होती. या चित्रपटाला विशेष प्रतिसाद मिळाला नाही. सनीने साऊथच्या चित्रपटांमध्येही हात आजमावला पण तिला विशेष यश मिळाले नाही.