Viral Video: रातोरात प्रसिद्धी आणि यशाच्या शिखरावर पोहचण्याचं माध्यम म्हणजे सोशल मीडिया, असं म्हटल्यास वावगं ठरणार नाही. कारण आजवर अनेक व्यक्तींनी सोशल मीडियाच्या माध्यमातून मोठं नाव आणि संपत्ती कमावली आहे. सोशल मीडियावर नेहमीच अनेक व्हिडिओ व्हायरल होत असतात. असाच एक व्हिडिओ आता देखील व्हायरल झाला आहे.

एक आईचं असते जी आपल्या मुलांचे सर्व हट्ट पुरवते. आईला आपल्या मुलांच्या जीवनात असलेल्या सर्व अडचणी देखील न सांगता समजतात. अशात आई आपल्या मुलांच्या प्रगतीसाठी कायमच झटत असते. मात्र आता एका मुलीने आपल्या आईसाठी प्रगतीचं मोठं दार खुलं केलं आहे. सोशल मीडियावर एका आईचा गाणं गातानाचा व्हिडिओ जोरदार व्हायरल होतं आहे. व्हिडिओ व्हायरल होताच आईला बॉलिवूडच्या बड्या अभिनेत्याकडून चित्रपटात गाणं गाण्यासाठी ऑफर देण्यात आली आहे. (Latest Viral Video)

सध्या या आईचं गाणं ऐकूण नेटकरी मंत्रमुग्ध झाले आहेत. सोशल मीडियावर व्हायरल होत असलेल्या व्हिडिओमध्ये तुम्ही पाहूशकता की, एक चिमुकली आईचा व्हिडिओ रेकॉर्ड करत आहे. ती आईला गाणं गाण्यासाठी सांगत आहे. मात्र आई आधी नकार देते. त्यामुळे मुलगी आईकडे गाणं गाण्याचा हट्ट करते. त्यावर आई फिर भी मेरा मन प्यासा... हे गाणं गात आहे. तिचा हा व्हिडिओ एका युजरने त्याच्या ट्विटर अकाऊंटवर पोस्ट केला आहे. हा व्हिडिओ पाहून सर्वच चकित झालेत.

तसचे अभिनेता सोनू सूदने त्यांच्या सुरांना दाद देत आपल्या चित्रपटात गाणं गाण्याची ऑफर दिली आहे." तुमचा संपर्क क्रमांक तुम्ही मला पाठवा, माझ्या पुढील चित्रपटासाठी तुम्ही गाणं गा...", असं सोनू सूदने म्हटलं आहे. सध्या या आईचं सोशल मीडियावर मोठं कौतुक होतं आहे.