Singer Home Attack: पंजाबी चित्रपटसृष्टीतील प्रसिद्ध अभिनेता आणि गायक गिप्पी ग्रेवालयने काही वर्षांपूर्वी कॅनडातील त्याच्या घरावर झालेल्या गोळीबाराच्या घटनेबाबत मोठा खुलासा केला आहे. या घटनेचा संबंध अभिनेता सलमान खानशी जोडला गेला होता. मात्र, गिप्पी ग्रेवालने अलीकडील मुलाखतीत स्पष्ट सलमान खान आणि त्याच्याबद्दल असलेले अनेक गैरसमज दूर केले आहेत.

गिप्पी ग्रेवालच्या कॅनडातील घरावर नोव्हेंबर २०२३ मध्ये गोळीबार झाला होता. त्यानंतर या हल्ल्याची जबाबदारी गँगस्टर लॉरेन्स बिश्नोईच्या टोळीने घेतली. असे या टोळीने सोशल मिडियावर एक पोस्ट करत सांगितले. या पोस्टमध्ये त्यांनी गायकाची सलमान खानशी असलेल्या मैत्रीमुळे हा हल्ला करण्यात आल्याचे म्हटले गेले होते.

या घटनेबद्दल बोलताना गिप्पी ग्रेवाल म्हणाला की, “लोकांना वाटत होते की माझी आणि सलमान खानची खूप घट्ट मैत्री आहे. पण, प्रत्यक्षात तसे काहीच नव्हते. आम्ही एकत्र काम केले होते, मात्र आमच्यात पर्सनल आयुष्यात फारसा संपर्क नव्हता.” त्याने सांगितले की, एका चित्रपटाच्या निमित्ताने त्यांची ओळख झाली होती, पण त्याचा अर्थ जवळची मैत्री असा होत नाही.

गोळीबाराच्या घटनेनंतर त्याच्या कुटुंबीयांमध्ये भीतीचे वातावरण निर्माण झाले होते. विशेषतः मुलांच्या सुरक्षिततेची चिंता त्याला सतावत होती. अशा प्रसंगी कुटुंबाला धीर देणे आणि परिस्थितीला सामोरे जाणे हेच सर्वात मोठे आव्हान असल्याचे त्याने त्याने मुलाखतीत सांगितले होते.

गिप्पी ग्रेवालने पुढे सांगितले की, अशा घटना केवळ संबंधित व्यक्तीलाच नाही तर संपूर्ण कुटुंबाला मानसिक त्रास देतात. मी कोणत्याही प्रकारच्या हिंसेला किंवा धमक्यांना समर्थन देत नाही या प्रसंगातून मी आणि माझे संपूर्ण कुटुंबातून अजूनही सावरत आहोत, असेही त्याने स्पष्ट केले.