Salman Khan Security: बॉलिवूड सुपरस्टार सलमान खानच्या (Salman Khan) सुरक्षेत मोठी वाढ करण्यात आल्याचे वृत्त समोर येत आहे. पोलिसांनी सलमान खानच्या घराभोवती कडक सुरक्षा व्यवस्था ठेवली आहे. पंजाबी गायक सिद्धू मूसेवालाच्या हत्येची जबाबदारी (Sidhu Moose Wala Case) गँगस्टर लॉरेन्स बिश्नोईने घेतली आहे. लॉरेन्स बिश्नोईचे नाव समोर येताच सलमानच्या सुरक्षेत वाढ करण्यात आली आहे. 2018 मध्ये लॉरेन्स बिश्नोईने सलमानला जीवे मारण्याची धमकी दिली होती. सलमानवर हल्ला करण्याचा कट लॉरेन्स बिश्नोईच्या गँगने आखला होता. (Sidhu Moose Wala Case News Updates in Marathi)

लॉरेन्स बिश्नोईने सलमान खानला जीवे मारण्याची धमकी दिली होती. यांची ही टोळी पुन्हा सक्रीय होत असताना कोणताही अनुचित प्रकार घडू नये यासाठी सलमानची सुरक्षा वाढवण्यात आली आहे असे समजत आहेत. काळवीट शिकार प्रकरणी लॉरेन्स बिश्नोईने जोधपूरमध्ये सलमान खानला जीवे मारण्याची धमकी दिलेली. त्यानंतर त्याची सुरक्षा वाढवण्यात आली होती आणि आता पुन्हा एकदा सलमान खानची सुरक्षा वाढवण्यात आली आहे.

पंजाबी गायक सिद्धू मुसेवालाच्या हत्येमागील सूत्रधार गँगस्टर लॉरेन्स बिश्नोई हा चर्चेत आहे. तुरुंगात असताना लॉरेन्स बिश्नोईने दबंग खानच्या हत्येबद्दल बोलले होते. सलमानला जीवे मारण्याची धमकी देणारा लॉरेन्स बिश्नोईचा व्हिडिओ आता समोर आला आहे.

हे देखील पाहा-

'सलमानला जोधपूरमध्ये मारणार'

2021 मधील व्हायरल झालेल्या व्हिडिओमध्ये लॉरेन्स आणि संपत नेहरा आहेत. लॉरेन्सचा जवळचा मित्र आणि राजस्थानचा गँगस्टर असलेल्या संपत नेहराने सलमान खानच्या गॅलेक्सी अपार्टमेंटची रेकी केली होती. मात्र घटनेपूर्वीच हरियाणा पोलिसांनी त्याला अटक केली होती. त्या व्हिडिओमध्ये लॉरेन्स बिश्नोई म्हणत आहे, जेव्हा करेल तेव्हा तुम्हाला कळेल, सलमान खानला मारणार, याच जोधपूरमध्ये मारणार, त्या सर्वांना कळेल. अजून तर मी काहीच केले नाही, मला काहीही कारण नसताना यात ओढले जात आहे.