Siddharth and Kiara Wedding Update: सिद्धार्थ आणि कियारा गेली तीन वर्ष एकमेकांना डेट करत होते. 'शेरशह' चित्रपटानंतर या दोघांच्या प्रेमकथेला सुरुवात झाली होती. दोघेही एकत्र अनेकदा स्पॉट झाले होते. डेटिंग, ट्रिप्स, रोमान्सनंतर आता हे दोघे लग्नबंधनात अडकणार आहेत.

जैसलमेर येथील सूर्यगड पॅलेस या हॉटेलवरती या बॉलिवूड कपलचा शाही विवाह सोहळा संपन्न होणार आहे. त्याच्या या सोहळ्यासाठी अनेक बॉलिवूड सेलिब्रिटी जैसलमेरला पोचले आहेत. काल दोघांच्या लग्नाआधीच्या विधी पार पडल्या आहेत. आज सिद्धार्थ कियारा यांचे लग्न होणार आहे.

नुकताच सूर्यगड पॅलेसबाहेरचा एक व्हिडिओ आणि फोटो पापाराझी पेजवरून शेअर करण्यात आला आहे. सिद्धार्थ कियाराच्या लग्नाचे मंडप सजले आहे. वरात, बँड-बाजा आणि घोडी तयार आहे. या सर्वांचे व्हिडिओ व्हायरल होत आहेत.

हा एक शाही सोहळा असल्याने तसाच पद्धतीने सर्व कार्यक्रमाची सजावट करण्यात आली आहे. घोडीला देखील सजविण्यात आले आहे. बँड-बाजा आणि वराती मंडळी गुलाबी रंगाच्या गुलाबी रंगाचे फेट्यात दिसत आहेत. ही सर्व मंडळी नवरी कियाराला आणायला तयार आहे. तसेच काही वेळापूर्वी त्यांनी सूर्यगड पॅलेसमध्ये प्रवेश केला आहे.

सिद्धार्थ आणि कियाराच्या लग्नात देखील नो फोन पॉलिसी असल्याने सर्वांच्या फोनला कव्हर लावण्यात आले आहेत. काही वेळातच त्यांचा विवाहसोहळा पार पडेल.