मराठमोळा अभिनेता शुभंकर तावडे आज त्याचा ३० वा वाढदिवस साजरा करत आहे. वाढदिवसानिमित्त अभिनेत्याने स्वत:ला खास भेटवस्तू दिली आहे. वाढदिवस हा प्रत्येकासाठी खास असतो. अभिनेता शुभंकर तावडेने नवीन कार घेतली आहे.

शुभंकर तावडेने त्याचा वाढदिवस साजरा केला आहे. या वाढदिवसानिमित्त त्याने कार खरेदी केली आहे. वाढदिवसाच्या सेलिब्रेशनचे फोटो शुभंकरने सोशल मीडियावर शेअर केले आहेत. नवीन कारचे फोटो शेअर करत शुभंकरने कॅप्शनमध्ये, "नवीन कार घेतली, तिचे नाव ‘लक्ष्मी’ ठेवलं, मी तिला आवडीने ‘फनकार’ किंवा ‘फन-कार’ म्हणतो. माझे आगामी नाटक ‘विशामृत’ झालं. खूप शुभेच्छा मिळाल्या आणि पार्टी झाली. आनंद झाला." शुभंकरच्या फोटोंवर त्याच्या चाहत्यांकडून अभिनंदनाचा वर्षाव होत आहे.

शुभंकर तावडे हा मराठी सिनेसृष्टीतील अभिनेता आहे. शुभंकरने अनेक चित्रपट- मालिकांमध्ये काम केले आहे. 'डबल सीट' या चित्रपटातून त्याने अभिनयाची कारकीर्द सुरू केली. यानंतर 'कागर' चित्रपटात त्याने अभिनेत्री रिंकू राजगुरूसोबत दिसला होता. रितेश- जेनेलियाच्या वेड मध्येही त्याने काम केले आहे.