Pathaan Film Scene: अखेर शाहरुखचा 'पठान' चित्रपट अनेक गोष्टींचा सामना करत अखेर आज चित्रपटगृहात प्रदर्शित झाला आहे. या चित्रपटाची सध्या तरुणांसह सर्वांमध्ये कमालीची क्रेझ पाहायला मिळत आहे. शाहरुखसोबत 'पठान'मध्ये बॉलिवूडचा दबंग अभिनेता सलमान खान असणार अशी चर्चा होती. अखेर हे निश्चित झालंय.

शाहरुख- सलमानचा 'पठान' मधला एक सीन सोशल मिडीयावर प्रचंड व्हायरल झालाय. या दृष्यात सलमान त्याच्या खास टायगर अवतारात पठान म्हणजेच शाहरुखला मदत करताना दिसत आहे. व्हायरल झालेल्या व्हिडिओत सलमान खानच्या एंट्रीला टाळ्या आणि शिट्यांचा कमाल माहोल थिएटरमध्ये झाला होता. टायगर ची खास म्युझिक सलमानच्या एंट्रीला वाजली. अन् दोघेही खान बंधू दुश्मनांवर तुटून पडले.

शाहरुख - सलमानचा हा जबरदस्त अंदाज त्यांच्या फॅन्सला चांगलाच भावला असून हा चित्रपट प्रेक्षकांचा पैसा वसूल करत मनोरंजन करणार यामध्ये काडी मात्र शंका नाही. 'पठान' च्या निमित्ताने यशराज फिल्मस स्पाय युनिव्हर्स तयार करत आहे. 'पठान' मध्ये अखेर सलमानची एन्ट्री झाली असल्याने चाहत्यांमध्ये एक आनंदाचे वातावरण आहे.

लवकरच सलमान- शाहरुखसोबत वॉर फेम अभिनेता हृतिक रोशनसुद्धा सहभागी होणार आहे. आता पु्न्हा एकदा सलमान- शाहरुख- हृतिक या तिघांना एकत्र पाहाण्यासाठी चाहते उत्सुक आहेत. 'पठान' नंतर सलमानच्या आगामी 'टायगर ३' चित्रपटात शाहरुख आणि हृतिक एकत्र दिसण्याची शक्यता आहे.

या चित्रपटात शाहरुखसोबत दीपिका पदूकोण, जॉन अब्राहम, डिंपल कपाडिया, आशुतोष राणा, सलमान खान सोबत अनेक स्टार्स असणार आहेत.दिग्दर्शक सिद्धार्थ आनंदने या चित्रपटाचे दिग्दर्शन केले असून यश राज फिल्म्स प्रॉडक्शन अंतर्गत हा चित्रपट निर्मित करण्यात आला आहे.