Salman Khan Helath Issues: बॉलिवूडचा सुपरस्टार सलमान खान सध्या त्याच्या वैयक्तिक आरोग्यविषयक खुलाशामुळे चर्चेत आहे. 'द ग्रेट इंडियन कपिल शो' या कार्यक्रमात उपस्थित असताना सलमानने पहिल्यांदाच अत्यंत गंभीर आरोग्य समस्यांची माहिती दिली. यामध्ये ट्रायजेमिनल न्युराल्जिया, ब्रेन अ‍ॅन्युरिझम आणि AV मलफॉर्मेशन या तीन गंभीर आजारांचा समावेश आहे.

कार्यक्रमादरम्यान कपिल शर्माने त्याच्या आरोग्याबाबत विचारले असता सलमान म्हणाला, “माझं एक हाडं तुटलं आहे, मी ट्रायजेमिनल न्यूराल्जियाचा सामना करत आहोत, मेंदूमध्ये एन्युरिझम आहे आणि त्याचे उपचार चालू आहेत, एव्ही मलफॉर्मेशन आहे, त्याचे उपचार चालू आहेत. तरीही मी काम करत आहे.’

ट्रायजेमिनल न्युराल्जिया हा एक न्युरो-आजार असून यामध्ये चेहऱ्यावर अत्यंत वेदना होतात. याला 'सुसाइड डिसीज' असंही म्हटलं जातं कारण यात असह्य वेदना होतात. ब्रेन अ‍ॅन्युरिझम ही अशी स्थिती असते जिथे मेंदूतील रक्तवाहिनीत गाठ निर्माण होते, जी फुटल्यास प्राणघातक ठरू शकते. AV मलफॉर्मेशन ही मेंदूतील रक्तवाहिन्यांमधील दोषात्मक रचना आहे जी रक्तप्रवाहात अडथळा निर्माण करू शकते.

सलमान याआधीही आपल्या आरोग्याबद्दल फार कमी वेळा बोलला आहे. मात्र या कार्यक्रमात त्याने अत्यंत प्रामाणिकपणे आपली व्यथा शेअर केली. याच मुलाखतीत त्याने लग्नावरूनही मजेशीर टिप्पणी केली की, “लग्न केल्यास अर्धी संपत्ती जाते, म्हणून लग्नच टाळलं.”

सलमान खानच्या कामाच्या बाबतीत

सलमान खानच्या कारकिर्दीबद्दल बोलायचे झाले तर, सलमान शेवटचा 'सिकंदर' चित्रपटात दिसला होता, ज्याने बॉक्स ऑफिसवर खास कामगिरी केली नाही. या चित्रपटात अभिनेतासोबत रश्मिका मंदाना देखील मुख्य भूमिकेत दिसली होती.