Salman Khan New Bald Look Video Viral

बॉलिवूडचा दबंग अभिनेता सलमान खान कायमच चर्चेत असतो. बिग बॉस ओटीटीनंतर सलमान खान आता पुन्हा एकदा एका वेगळ्या कारणासाठी चर्चेत आला आहे. सलमान अनेकदा लूकमुळे चर्चेत आला होता. आता देखील तो त्याच्या लूकमुळे चर्चेत आला आहे. सध्या सोशल मीडियावर सलमान खानचा एक व्हिडीओ तुफान व्हायरल होत आहे. सलमानचा हा एका पार्टीतील व्हिडीओ असून सध्या त्याच्या लूकची बरीच चर्चा होत आहे. पण अभिनेत्याने हा लूक त्याच्या आगामी चित्रपटासाठी केला असल्याची चर्चा सध्या होत आहे.

२० ऑगस्ट रोजी अर्थात रविवारी मुंबईमध्ये एका पार्टीत भाईजान नव्या बाल्ड लूकमध्ये कॅमेऱ्यात कैद झाला. सलमान खान सध्या अनेक चित्रपटांमुळे चर्चेत आहे. सध्या त्याचे अनेक सिक्वेल प्रदर्शनाच्या तयारीत आहे. सलमानचा हा बाल्ड लूक ‘तेरे नाम २’ साठी असल्याची सध्या सर्वत्र चर्चा होत आहे. त्या पार्टीला सलमान गजनी लूकमध्ये स्पॉट झाल्यामुळे सोशल मीडियावर त्याच्या लूकची कमालीची चर्चा होत आहे. यावेळी त्याने ब्लॅक आऊटफिटमध्ये सलमान खूपच डॅशिंग दिसत होता. २० वर्षांपूर्वी प्रदर्शित झालेल्या तेरेनाम मधील राधेची चाहत्यांना पुन्हा एकदा आठवण झाली आहे.

सलमानने यावेळी त्याच्या नवीन लूकबद्दल काहीही भाष्य केलेले नाही, अभिनेत्याचा हा नवीन लूक पाहून नेटकऱ्यांमध्ये सध्या तो ‘तेरेनाम २’करत असल्याच्या चर्चा होत आहेत. पण अद्याप सलमानकडून किंवा निर्मात्यांकडून ‘तेरेनाम २’बद्दल कोणतेही अपडेट मिळालेले नाही. सलमानच्या लूकवर नेटकरी म्हणतात, “ ‘तेरेनाम २’ची स्क्रिप्ट तयार आहे.” तर आणखी एक जण म्हणतो, “कदाचित ‘तेरेनाम २’ येत आहे.” तर आणखी एक म्हणतो, “सलमान भाई आता ‘गजनी २’ करणार.”

अभिनेत्याच्या वर्कफ्रंटबद्दल बोलायचे तर, नुकतंच त्याने ‘बिग बॉस ओटीटी २’ची शूटिंग पूर्ण केलं आहे. ११ ऑगस्टला शोचा ग्रँड फिनाले पार पडला. तर ‘किसी की भाई किसी की जान’ मध्ये सलमान खान शेवटचा दिसला होता. आता या चित्रपटानंतर अभिनेत्याचे अनेक चित्रपट प्रदर्शनाच्या प्रतिक्षेत आहे. ‘टायगर ३’ची नुकतीच शूटिंग पूर्ण झाली असून चित्रपट प्रदर्शनाच्या प्रतिक्षेत आहे. सलमान खानसोबत चित्रपटात कतरिना कैफ सुद्धा दिसणार आहे. त्यासोबतच सलमान सूरज बडजात्या निर्मित ‘प्रेम की शादी’मध्ये देखील तो दिसणार आहे.