येत्या २२ डिसेंबरला प्रभासचा ‘सालार’ थिएटरमध्ये रिलीज होणार आहे. चित्रपटाची घोषणा झाल्यापासून चित्रपटाची सोशल मीडियावर जोरदार चर्चा होत आहे. गेल्या काही दिवसांपूर्वीच सोशल मीडियावर चित्रपटाचा ट्रेलर रिलीज झाला होता. अशातच चित्रपटातलं ‘सूरज ही चांहू बनके’ (Sooraj Hi Chhaon Banke) हे गाणं प्रेक्षकांच्या भेटीला आलं आहे. मैत्रीचे बंध असणाऱ्या या गाण्याची सोशल मीडियावर जोरदार चर्चा होत आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
‘सालार पार्ट १: सीझफायर’च्या ट्रेलरनंतर चाहत्यांच्या भेटीला पहिलं गाणं आलं आहे. ट्रेलरला प्रेक्षकांकडून दमदार प्रतिसाद मिळाला होता. आता ट्रेलरनंतर गाण्यालाही उत्तम प्रतिसाद मिळत आहे. गाण्याचं नाव ‘सूरज ही चांहू बनके’ असं असून हे गाणं दोन मित्रांवर चित्रित करण्यात आलं आहे. दोन मित्र म्हणजे प्रभास आणि सुकुमारन आहेत. या गाण्याचे लेखन रिया मुखर्जीने केलं असून मेनुका पेदुलने हे गाणं गायलं आहे. तर रवी बसरुरने संगीत दिलं आहे.
चित्रपटातील हे गाणं चाहत्यांना फारच भावलं आहे. या गाण्याच्या हिंदी व्हर्जनला यूट्यूबवर एका दिवसांत २७ लाख इतके व्ह्यूज मिळाले आहेत. हे गाणं चाहत्यांना चांगलंच भावलं आहे. प्रशांत नील दिग्दर्शित ‘सालार पार्ट १: सीझफायर’ला सीबीएफसीकडून 'ए' सर्टिफिकेट मिळालं आहे. मैत्री, ॲक्शन ड्रामा असलेला हा चित्रपट २ तास ५५ मिनिटांचा आहे.
येत्या २२ डिसेंबर २०२३ ला हा चित्रपट रिलीज होणार आहे. हा चित्रपट जगभरामध्ये, हिंदी, तामिळ, तेलुगू, कन्नड आणि मल्याळम या भाषांमध्ये रिलीज होणार आहे. होम्बले फिल्म्सच्या बॅनरअंतर्गत चित्रपटाची निर्मिती करण्यात आली आहे. प्रभास, श्रुती हासन, पृथ्वीराज सुकुमारन, जगपती बाबू अशी तगडी स्टारकास्ट चित्रपटामध्ये दिसणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.