रोहित शेट्टीची बहुप्रतीक्षित वेबसीरीज 'इंडियन पोलीस फोर्स' लवकरच प्रेक्षकांच्या भेटीला येणार आहे.या वेबसीरीजची रिलीज डेट जाहीर करण्यात आली आहे. अभिनेत्री शिल्पा शेट्टीने याविषयी अधिकृत माहिती दिली आहे.

वेबसीरीजचे पोस्टर फारच इंटरेस्टिंग आहे. या वेबसीरीजच्या पोस्टरवरील शिल्पा शेट्टी आणि विवेक ऑबेरॉय यांनी लक्ष वेधून घेतले आहे.

अभिनेत्री शिल्पा शेट्टीने तिच्या सोशल मीडियावर पोस्ट करत 'इंडियन पोलीस फोर्स'ची रिलीज डेट जाहीर केली आहे. तिने पोस्ट करत लिहिले आहे की, 'जेव्हा सायरन वाजेल तेव्हा समजून जा की क्राईमचा बँड वाजेल. पोलीस आले आहेत!'

'इंडियन पोलीस फार्स' ही रोहित शेट्टीची वेबसीरीज १९ जानेवारीला अमेझॉन प्राईम व्हिडीओवर रिलीज होणार आहे. या चित्रपटामध्ये सिद्धार्थ मल्होत्रा असल्याचे आधीच जाहीर करण्यात आले होते. तर आता शिल्पा शेट्टी आणि विवेक ऑबेरॉय देखील अॅक्शन मोडमध्ये दिसत आहेत. पोस्टरमध्ये तिघांचा लुक देखील खूपच भारी दिसत आहे.