येत्या सप्टेंबर महिन्यात दीपिका पदुकोण आणि रणवीर सिंग आई- बाबा होणार आहेत. सेलिब्रिटी कपलने प्रेग्नेंसीची घोषणा केल्यापासूनच चाहत्यांमध्ये त्यांच्या बाळाची जोरदार चर्चा सुरू आहे. दीपिका आणि रणवीरने फेब्रुवारी महिन्यांत चाहत्यांना 'गुड न्यूज' दिली होती. तेव्हापासून दोघेही कोणत्या ना कोणत्या कारणामुळे चर्चेत आहे.

मध्यंतरी दीपिका गरोदर नसल्याच्या चर्चा सुरू होत्या, तिचा बेबी बम्पही खोटा असल्याच्या नेटकऱ्यांमध्ये चर्चा झाल्या होत्या. आता तर नेटकऱ्यांनी हद्दच पार केली आहे. सध्या सोशल मीडयावर दीपिका आणि रणवीरचा एक हॉस्पिटलमधील फोटो व्हायरल होत आहे.

या कपलचा हा हॉस्पिटलमधील फोटो तुफान व्हायरल होत असून दोघांवरही कौतुकाचा वर्षाव करीत आहेत. 'आज तक'ने दिलेल्या वृत्तानुसार, दीपिका आणि रणवीर सिंगचा हॉस्पिटलमधील एक फोटो सोशल मीडियावर तुफान व्हायरल होत आहे. त्या फोटोमध्ये रणवीरच्या हातात बाळ दिसत असून दीपिका हॉस्पिटलमध्ये बेडवर झोपलेली दिसते. रणवीर आपल्या बाळाचा कॅमेऱ्यासमोर दाखवताना दिसत आहे. पण हे खोटं आहे. हा फोटो मॉर्फ करण्यात आला असून व्हायरल फोटोपाहून नेटकरी हसून लोटपोट झाले आहेत.

अभिनेत्री गेल्या काही दिवसांपूर्वी अनेक सार्वजनिक ठिकाणी बेबीबंप फ्लॉंट करताना स्पॉट झाली होती. लोकसभा निवडणुकीच्या मतदानावेळी, चित्रपटाच्या प्रमोशनवेळी किंवा डिनर डेटला जात असताना दीपिका आणि रणवीर स्पॉट झाले होते. यावेळी रणवीर दीपिकाची विशेष काळजी घेताना स्पॉट झाला. 'कल्की २८९८ एडी'च्या प्रमोशनवेळी दीपिकाने खास ब्लॅक वेस्टर्न आऊटफिट कॅरी केला होता. त्या ड्रेसमध्ये तिचा बेबी बंप दिसत होता.

विशेष म्हणजे, दीपिका प्रेग्नेंट असतानाही 'सिंघम अगेन' या ॲक्शनपटाची शुटिंग करत होती. यामुळे तिचे कौतुकही झाले होते. त्यासोबतच अनेकदा दीपिकाला नेटकऱ्यांनी ट्रोलही केलं होतं. दीपिकाने प्रेग्नेंसीच्या काळात काही इव्हेंटमध्ये हाय हिल्स सँडल कॅरी केली होती. त्यामुळेही ती ट्रोल झाली होती.