Ranbir - Alia As A Ram Seeta: रामायणावर आधारित 'आदिपुरूष' हा बहुचर्चित सिनेमा लवकरच प्रदर्शित होणार आहे. आदिपुरुष चित्रपटाची रिलीज डेट जवळ आली असतानाच रामायणावर आधारित नवीन चित्रपटाची चर्चा सुरू झाली आहे. दंगल चित्रपटाचे दिग्दर्शक रामायणावर आधारित नवीन चित्रपटावर खूप दिवसांपासून काम करत आहेत. या चित्रपटाची कास्ट रिव्हील झाली आहे.

पुन्हा एकदा रणबीर-आलिया एकत्र झळकणार

पिंकविलाच्या वृत्तानुसार नितेश तिवारी यांच्या रामायण चित्रपटात आलिया-रणबीर पुन्हा एकत्र दिसणार असल्याचे बोलले जात आहे. 'ब्रम्हास्त्र'नंतर दोघेही पहिल्यांदाच एकत्र काम करणार आहेत. ब्रह्मास्त्र चित्रपट आलिया रणबीरच्या लग्नादी प्रदर्शित झाला होता. त्यामुळे लग्नानंतर देखील हा त्यांच्या पहिला एकत्र चित्रपट असून शकतो. (Latest Entertainment News)

चित्रपटामध्ये रणबीर राम तर आलिया सीतेचं पात्र साकारणार आहे. नुकतीच आलिया दिग्दर्शक नितेश तिवारी यांच्यासोबत स्पॉट झाली हेती. म्हणून या चर्चांना अधिक उधाण आलं आहे. या वृत्ताबाबत अद्याप कोणतीही अधिकृत माहिती समोर आलेली नाही.

निर्मांत्याच्या ऑफिसबाहेर दिसली आलिया

रणबीर कपूर खूप दिवसांपासून DNEG च्या ऑफिसमध्ये जाताना दिसत आहे. रणबीर कदाचित रामायण चित्रपटाचं काम कसं चालू आले आहे हे पाहण्यासाठी जात असल्याचं म्हटलं जात आहे. रणबीरची राम पात्रासाठी लूक टेस्ट चालू असल्याची देखील चर्चा सुरू आहे. त्यामुळेच रणबीर नेहमी स्टुडिओमध्ये दिसत असल्याचं सांगण्यात येत आहे.

राम-सीतेच्या भूमिकेत रणबीर-आलिया तर रावण म्हणून केजीएफ अभिनेता यश प्रेक्षकांच्या भेटीला येण्याची शक्यता आहे. रणबीर-आलिया आणि यश अशी या चित्रपटाची स्टारकास्ट असेल.

रणबीरचा 'अॅनिमल' या चित्रपटाचे शूटिंग पूर्ण झाले असून पुढच्या वर्षी चित्रपट प्रदर्शित होईल. तर आलियाचा 'रॉकी और राणी की कहानी' हा चित्रपट लवकरच प्रदर्शित मिळणार आहे. चित्रपटाचे फर्स्ट पोस्टर आणि कलाकारांचे लूक रिव्हील झालं आहेत.