१९ ऑगस्ट रोजी संपूर्ण महाराष्ट्रात रक्षाबंधन साजरा केला जाणार आहे. रक्षाबंधन हा प्रत्येक भाऊ-बहिणीसाठी खूप महत्त्वाचा दिवस असतो.

मराठी चित्रपटसृष्टीतील या भाऊ-बहि‍णींच्या जोड्या दरवर्षी रक्षाबंधनासाठी काहीतरी स्पेशल करतात. मराठी इंडस्ट्रीत भाऊ-बहि‍णींच्या जोड्यांबद्दल जाणून घेऊया.

अमृता देशमुख-अभिषेक देशमुख

आई कुठे काय करते फेम अभिषेक देशमुख आणि अमृता देशमुख ही भावा बहि‍णींची जोडी खूपच प्रसिद्ध आहे. दरवर्षी अभिषेक अमृतासाठी काहीतरी स्पेशल गिफ्ट घेतो.

अभिनय बेर्डे- स्वानंदी बेर्डे

अभिनय आणि स्वानंदी बेर्डे हे लक्ष्मीकांत आणि प्रिया बेर्डेंची मुले आहेत. या दोघांचे एकमेकांवर खूप प्रेम आहे.

शशांक केतकर- दीक्षा केतकर

होणार सून मी या घरची फेम अभिनेता शशांक केतकरची बहीण दीक्षादेखील मराठी चित्रपटसृष्टीतील लोकप्रिय अभिनेत्री आहे.

मृण्मयी देशपांडे-गौतमी देशपांडे

मृण्मयी देशपांडे आणि गौतमी देशपांडे या मराठी चित्रपटसृष्टीतील प्रसिद्ध अभिनेत्री आहेत. या दोघीच एकमेकींना राखी बांधत रक्षाबंधन सेलीब्रेशन करतात.

तितिक्षा तावडे- खुशबू तावडे

तितिक्षा तावडे आणि खुशबू तावडे ही मराठी चित्रपटसृष्टीतील बहि‍णींची लोकप्रिय जोडी आहे. या दोघीही रक्षाबंधनानिमित्त एकमेकांना राखी बांधतात.