साऊथ अभिनेता अल्लू अर्जुनचा (Allu Arjun ) 'पुष्पा 2: द रुल' (Pushpa 2) चित्रपट बॉक्स ऑफिसवर धुमाकूळ घालत आहे. या चित्रपटाची क्रेझ दिवसेंदिवस वाढताना पाहायला मिळत आहे. या चित्रपटाने खूप कमी वेळात उंच शिखर गाठले आहे. 'पुष्पा 2' जबरदस्त ॲक्शनचा धमाका पाहायला मिळत आहे. या चित्रपटातील अल्लू अर्जुन आणि रश्मिका मंदान्ना (Rashmika Mandanna) यांची केमिस्ट्री चाहत्यांना खूप आवडत आहे. अल्लू अर्जुनच्या अटकेनंतरही 'पुष्पा २'च्या प्रेक्षकांमध्ये ७० टक्क्याने वाढ झाली आहे.

'पुष्पा 2: द रुल' चित्रपटाने एकाच आठवड्यात सिनेमाचे बजेट वसूल केले होते. मीडिया रिपोर्टनुसार, 'पुष्पा 2'चित्रपटाने जगभरात 1409 कोटींचा टप्पा पार केला आहे. हा चित्रपट पाच भाषांमध्ये पाहायला मिळत आहे. यात तेलुगू, हिंदी, तमिळ, कन्नड आणि मल्याळम या भाषांमध्ये रिलीज झाला आहे. या चित्रपटाला जगभरातून जबरदस्त प्रतिसाद मिळत आहे. 'पुष्पा 2: द रुल' चित्रपटाचे १३व्या दिवसाचे बॉक्स ऑफिस कलेक्शन जाणून घेऊयात.

'पुष्पा 2' बॉक्स ऑफिस कलेक्शन दिवस 13

• पहिला दिवस - 164.25 कोटी

• दुसरा दिवस - 93.8 कोटी

• तिसरा दिवस - 119.25 कोटी

• चौथा दिवस - 141.5 कोटी

• पाचवा दिवस - 65.1 कोटी

• सहावा दिवस - 52.50 कोटी

• सातवा दिवस - 42 कोटी

• आठवा दिवस - 37.95 कोटी

• नववा दिवस - 36.40 कोटी

• दहावा दिवस - 62.3 कोटी

• अकरावा दिवस - 75 कोटी

• बारावा दिवस - 27.75 कोटी

• तेरावा दिवस - 24.25 कोटी

• पेड प्रिव्ह्यूज - 10.65 कोटी

मीडिया रिपोर्टनुसार, 'पुष्पा 2: द रुल' या चित्रपटाने बॉक्स ऑफिसवर आतापर्यंत सर्व भाषांमध्ये मिळून 953.3 कोटी रुपयांचा टप्पा पार केला आहे. 'पुष्पा 2' चित्रपटाने 13 दिवसांत तेलुगूमध्ये 290.9 कोटी रुपये, हिंदीमध्ये 591.1 कोटी रुपये, तामिळमध्ये 50.65 कोटी रुपये, कन्नडमध्ये 6.87 कोटी रुपये आणि मल्याळममध्ये 13.78 कोटी रुपये कमावले आहेत.

'पुष्पा 2' चित्रपट सुकुमार दिग्दर्शित आहे. 'पुष्पा 2' आता लवकरच 'बाहुबली 2' चा रेकॉर्ड मोडणार आहे. बाहुबली 2' चित्रपटाने जगभरात 1,810.60 कोटींची कमाई केली आहे. हा चित्रपट सर्वाधिक कमाई करणाऱ्या पॅन इंडिया चित्रपटाच्या यादीत टॉप 5 मध्ये येतो. आता हा चित्रपट अजून किती रेकॉर्ड ब्रेक करणार हे पाहण्यासाठी चाहते उत्सुक आहेत.