Kareena - Ranbir Sharing Screen : बॉलिवूडमधील प्रसिद्ध दिग्दर्शक झोया अख्तरच्या 'दिल धडकने दो' चित्रपटाला ५ जूनला ८ वर्ष पूर्ण झाली. हा चित्रपट ५ जून १०१५ ला प्रदर्शित झाला होता. या चित्रपटामध्ये करिना कपूर खान - रणबीर कपूर मुख्य भूमिकेत दिसणार होते. पण काही कारणांनी चित्रपटाचे संपूर्ण कास्टचं बदलण्यात आलं.

झोया आणि फरहान यांच्या विचारातून साकारण्यात आलेल्या या चित्रपटामध्ये दोन कपूर भावंड ऑनस्क्रीन एकत्र काम करणार होते. या दोघांना एकत्र पाहणे ही देखील एक पर्वणीच असणार होती. दोघांनी चित्रपट करण्यास होकार दिला होता पण नंतर दोघांनीही चित्रपटामध्ये काम करणार नाही असे सांगितले. (Latest Entertainment News)

रणबीर-करीना साकारणार होते ऑनस्क्रीन भांवड

रणबीर कपूर- करीना कपूर खान हे दोघेही एकत्र स्क्रीन शेअर करताना दिसणार होते. त्यांना जेव्हा चित्रपटाविषयी विचारण्यात आले तेव्हा त्यांनी होकारही दिला होता. पण करीनाचे मात्र एक अट होती. तिची अट अशी होती की, जर रणबीर कपूर जर चित्रपटामध्ये माझ्या भावाची भूमिका करत असेल तरच मी चित्रपटामध्ये काम करेन.

रणबीरनेही सुरवातीला चित्रपटामध्ये काम करण्यास होकार दिला होता. पण त्यांच्या शुटींगच्या तारखांचा प्रॉब्लेम होत होता. त्यामुळे ऐनवेळीस त्याने नकार दिला. करीनाने चित्रपटामध्ये काम करण्यासाठी आधीच अट ठेवली होती. त्यामुळे करीनानेही चित्रपटाला नकार दिला. त्यामुळे रणबीर कपूरच्या जागी रणवीर सिंग तर करीनाच्या जागी प्रियंका चोप्रा जोनस चित्रपटामध्ये दिसले.

रणबीर आणि रणवीरच्या बाबतीत हे पहिल्यांदा होत नव्हते. याआधीही रणवीरने रणबीरला विचारण्यात आलेले रोल केले आहेत. संजय लीला भन्साली यांचा 'गोलियों की रासलीला' आधी रणबीरला विचारण्यात आला होता. तर अनुराग कश्यपच्या 'बॉम्बे वेलवेट'साठी आधी रणवीर सिंगला विचारण्यात आले होते.