अभिनेत्री प्रिया बापट एका नवीन चित्रपटातून प्रेक्षकांच्या भेटीला येणार आहे. नात्यांची नवी परिभाषा सांगणारा हा चित्रपट आहे. चित्रपटाचे नाव बिन लग्नाची गोष्ट आहे. येत्या १२ सप्टेंबरला चित्रपट रिलीज होणार आहे. नुकतंच या चित्रपटातील नवीन गाणं प्रेक्षकांच्या भेटीला आलं आहे. सोशल मीडियावर प्रियाने याबाबतची पोस्ट देखील शेअर केली आहे. जी सध्या चर्चेत आहे. सोशल मीडियावर प्रिया चित्रपटांविषयी अपडेट देत असते. आगामी चित्रपटातील प्रियाचं 'पण या इगो चं' हे गाणं प्रदर्शित झालं आहे.

प्रियाची सोशल मिडिया पोस्ट

प्रिया बापटने चित्रपटातील प्रेग्नंट फोटो पोस्ट केला आहे. यामुळे सुरूवातीला प्रिया हिने गुडन्यूज दिली की काय असे वाटलं. मात्र प्रियाने प्रेग्नंट नसून प्रियाच्या चित्रपटातील खास लूक आहे. फोटो शेअर करत प्रियाने, 'गाणं पाहिलं का?? चित्रपट येतोय १२. सप्टेंबर ला' 'बिन लग्नाची गोष्ट'असा कॅप्शन दिला आहे.

प्रियाच्या पोस्टची रंगली चर्चा

सोशल मीडियावर प्रियाच्या पोस्टवर नेटकऱ्यांनी लाईक्स आणि अनेक प्रतिक्रिया दिल्या आहेत. प्रियाने प्रेग्नेसीदरम्यानचा फोटो शेअर केल्याने नेटकऱ्यांना ती प्रेग्नंट असल्याचं वाटलं आहे. प्रियाच्या फोटोवर एका नेटकऱ्याने, 'मला वाटला good news आहे' आणखी एकाने, प्रिया तू प्रेग्नंट आहेस नक्की, उमेश तूला पण खूप खूप अभिनंदन असं म्हटलं आहे.