टाईमपास चित्रपटातून घराघरात पोहचलेला अभिनेता प्रथमेश परब सोशल मीडियावर चर्चेत आहे. प्रथमेशने त्याच्या अभिनयाने अत्यंत कमी वेळात प्रेक्षकांची मने जिंकली आहेत. नुकतंच प्रथमेशने बिग बॉस फेम सुरज चव्हाणच्या झापुक झुपूक गाण्यावर डान्स केला आहे. जो त्याचा व्हिडीओ सोशल मीडियावर व्हायरल होत आहे.

सोशल मीडियावर मोठ्या प्रमाणात सक्रिय असणाऱ्या प्रथमेशने त्याच्या नृत्याने प्रेक्षकांची मने जिंकली आहेत. प्रथमेशने बायकोसोबत डान्स केला आहे. दोघांनीही मँचिग लूकमध्ये भन्नाट डान्स केला आहे. पैठणी खास लूकमध्ये दोघेही फारच सुंदर दिसत आहेत. प्रथमेशच्या या व्हिडीओवर नेटकऱ्यांनी लाईक्स आणि कमेंट्सचा वर्षाव केला आहे.

बिग बॉस मराठी पाचव्या पर्वाचा विजेता सूरज चव्हाणने त्याच्या हटके स्टाईलने मनोरंजन केले. सुरजने बिग बॉसच्या घरात झापुक झुपूक गाणे प्रेक्षकांसमोर सादर केले. तेव्हापासून हे गाणं चांगलच गाजतंय या गाण्यावर सोशल मीडियावर अनेक रिल्स आणि व्हिडीओ व्हायरल होत आहेत. नुकतंच प्रथमेश आणि पत्नी क्षितीजाच्या झापुक- झुपूक डान्सवर लाखांहून अधिक व्ह्यूज आले आहेत.