अनेक वेळा आपण बापाने मुलांना महागड्या गिफ्ट दिलेल्या गोष्टी ऐकतो. मात्र आता अभिनेता प्रसाद ओकच्या (Prasad Oak) मुलांनी त्याला आलिशान कार गिफ्ट केली आहे. ही बातमी प्रसाद आणि मंजिरीने सोशल मिडियावर पोस्ट करत दिली आहे. प्रत्येकाला आपल्या हक्काचे घर आणि स्वतःची गाडी हवी असते. पण जर असे गिफ्ट मुलाकडून मिळाले तर वडिलांसाठी ही खूप भावनिक आणि अभिमानाची गोष्ट आहे.

अभिनेता प्रसाद ओकच्या मुलांनी स्वतःच्या वाढदिवसादिवशी आपल्या वडिलांना हे कमाल गिफ्ट दिले आहे. लाडक्या लेकाची आपल्या लाडक्या बापाला दिलेली सुरेख भेट पाहून मंजिरी (Manjiri Oak) देखील भावूक झाली आहे. तिने सोशल मिडियावर भावूक पोस्ट शेअर केली आहे. आपल्या मुलाचं कौतुक केलं आहे. तसेच मुलाचा बालपणीचा फोटो शेअर केला आहे.

प्रसाद आणि मंजिरीला मयंक (Mayank Oak) आणि सार्थक अशी दोन मुलं आहेत. प्रसादला मयंकने गिफ्टमध्ये BMW कार दिली आहे. तसेच अभिनेता प्रसाद ओकने देखील आपल्या मुलाला वाढदिवसाच्या शुभेच्छा देत कार सेलिब्रेशनचा व्हिडीओ शेअर केला आहे. प्रसादने कॅप्शनमध्ये लिहिले आहे की, 'मुलगा असूनही बाप झालास.' तसेच शुभेच्छा देऊन लेकाचे आभार मानले आहे. दोघांच्याही पोस्टवर कलाकारांकडून आणि चाहत्यांकडून प्रेमाचा- कौतुकाचा वर्षाव होत आहे. प्रसाद ओक लवकरच ‘धर्मवीर २’ या मराठी चित्रपटात झळकणार आहे. हा चित्रपट २७ सप्टेंबरला प्रेक्षकांच्या भेटीला येणार आहे.