सध्या प्राजक्ता माळी (Prajakta Mali ) तिच्या 'फुलवंती' चित्रपटामुळे चांगलीच चर्चेत आहे. 'फुलवंती'ला प्रेक्षकांकडून खूप प्रेम मिळाले आहे. आपल्या अभिनयाने आणि नृत्याने प्राजक्ताने प्रेक्षकांना वेड लावले आहे. थिएटरनंतर आता 'फुलवंती' ओटीटीवरही धुमाकूळ घालत आहे. अशात नुकताच प्राजक्ता माळीने इंस्टाग्रामवर एक खास पोस्ट शेअर केली आहे.

प्राजक्ताने सोशल मीडियावर शेअर केलेल्या व्हिडीओमध्ये आपल्या मनातील भावना व्यक्त केल्या आहेत. तिने बंगळुरू आश्रमाला भेट दिली आहे आणि आश्रमातून एक व्हिडीओ शेअर केला आहे. या व्हिडीओ प्राजक्ता सांगते की, जर महाराष्ट्रावर अन् कलेवर प्रेम नसतं तर ती आता नक्कीच बंगळुरू आश्रमात आश्रमवासी असते. या पोस्टला तिने हटके कॅप्शन देखील दिलं आहे. तिने लिहिलं की, "महाराष्ट्रावर आणि कलेवर इतकं प्रेम नसतं तर ह्या घडीला मी बंगळुरू आश्रमात आश्रमवासी असते. होय होय…इथे राहणं, ध्यान करणं इतकं मला आवडतं. आश्रमवासी नाही होऊ शकले तरी निदान १५-२० दिवस इथे सेवा करायला नक्कीच येईन. आणि सातत्याने इथे येत राहीन."

प्राजक्ताने शेअर केलेल्या पोस्टला चाहत्यांकडून प्रेमाचा वर्षाव होत आहे. प्राजक्ताने शेअर केलेल्या व्हिडीओमध्ये सांगितले की, "ती आता आर्ट ऑफ लिव्हिंग बंगळुरू आश्रमात आहे आणि तेथे सत्संग सुरू होणार आहे. प्राणायाम, ध्यान आणि योग आर्ट ऑफ लिव्हिंग ही संस्था आपल्याला शिकवते. यांचे बेसिक आणि ॲडव्हान्स कोर्स आहेत. चार महिन्यातून एकदा हा कोर्स करावा. मी स्वतः हा कोर्स आश्रमात राहून पूर्ण केला आहे. "

प्राजक्ता माळी नेहमीच आपल्या फिटनेसकडे विशेष लक्ष देत असते. ती नियमित योगा आणि प्राणायाम करते. यामुळे प्राजक्ता एवढी उत्साही आणि सुंदर दिसते. प्राजक्ता सोशल मीडियावर खूप सक्रिय असते. तिचे इंस्टाग्रामवर 2.2 मिलियन फॉलोवर्स आहेत.