बॉलिवूडमध्ये नेहमीच स्टारकिड्सची चर्चा होताना पाहायला मिळते. सध्या काही स्टारकिड्सच्या रिलेशनची चर्चा होत आहे. श्वेता तिवारीची लेक पलक तिवारी आणि सैफ अली खानचा मुलगा इब्राहिम अली खान याच्या रिलेशनची सध्या चर्चा होत आहे. हे कपल अनेकदा डिनर डेटला जाताना स्पॉट झालेले आहे. अशातच पुन्हा एकदा या कपलच्या रिलेशनची जोरदार चर्चा होत आहे. गेल्या काही दिवसांपूर्वी पलक तिवारीने इन्स्टाग्रामवर काही फोटो शेअर केले होते. तिच्या फॅशनवर नेटकरी फिदा आहेत. पलकने शेअर केलेल्या फोटोंवर इब्राहिमने कमेंट करत प्रेमाचा वर्षाव केला आहे.

पलक तिवारी कायमच इन्स्टाग्रामवर सक्रिय असते. ती नेहमीच स्टायलिश लूकमध्ये नवनवीन फोटो शेअर करत असते. अशातच नुकतंच पलकने काही नवीन फोटो शेअर केले आहेत. त्या पलकच्या फोटोंवर इब्राहिमने कमेंट केली आहे. त्याच्या कमेंटची सध्या सोशल मीडियावर जोरदार चर्चा होत आहे. पलकच्या या फोटोंवर इब्राहिमने 'लुकिंग गुड' अशी फायर कमेंट केली आहे. इब्राहिमची कमेंट पाहून नेटकऱ्यांमध्ये पलकच्या आणि इब्राहिमच्या रिलेशनची जोरदार चर्चा होत आहे.

ग्रीन स्वेटशर्ट आणि ग्रे रंगाची ट्रॅकपँट अशा सिंपल लूकमध्ये तिने फोटो शेअर केले आहेत. पॅलेससारखं वाटावं अशा ठिकाणी टेरेसवर तिने हे फोटोशूट केले आहेत. फोटोंमध्ये बॅकग्राऊंडला निसर्गरम्य वातावरण पाहायला मिळत आहे. पलक तिवारीच्या ह्या फोटोंवर चाहत्यांकडून कमेंट्सचा वर्षाव केला जात आहे. इब्राहिम सोबतचं रिलेशनशिप कन्फर्म समजायचं का ? अशी कमेंट एका नेटकऱ्यांने केली. पटौदी पॅलेसमध्ये फोटो काढलेत का ? अशी कमेंट एका युजरने केली. तर अनेकांनी इब्राहिमची चेष्टा केली आहे.