Shaktimaan: भारतीय टीव्ही इतिहासातील सर्वात लोकप्रिय सुपरहिरो मालिका म्हणजे ‘शक्तिमान’. 90 च्या दशकातील या मालिकेने प्रेक्षकांच्या मनात कायमचं स्थान निर्माण केलं होतं. काही काळापासून या मालिकेवर आधारित बॉलिवूड चित्रपट येणार असल्याची चर्चा होती आणि सुरुवातीला असे सांगितले जात होते की अभिनेता रणवीर सिंग या चित्रपटात शक्तिमानची भूमिका साकारणार आहे. मात्र आता नव्या रिपोर्टनुसार, रणवीर सिंग नव्हे तर साउथ सुपरस्टार पुष्पा म्हणजेच अल्लू अर्जुनची या भूमिकेसाठी निवड करण्यात आली असल्याचे समोर आले आहे.

रिपोर्टनुसार, निर्मात्यांनी शक्तिमान चित्रपटासाठी अल्लू अर्जुन याचं नाव फायनल केलं असून, यासंदर्भात चर्चा अंतिम टप्प्यात आहे. रणवीर सिंगचं नाव आधी चर्चेत असलं तरी काही कारणांमुळे त्याला बाजूला ठेवण्यात आलं आहे. अल्लू अर्जुन सध्या 'पुष्पा 2'मुळे चर्चेत आहे आणि त्याची लोकप्रियता संपूर्ण देशभरात वाढत आहे. त्यामुळे निर्मात्यांना वाटते की शक्तिमानसारख्या सुपरहिरो भूमिकेसाठी अल्लू अर्जुन एक परफेक्ट चॉइस ठरू शकतो.

या चित्रपटाची घोषणा 2022 मध्ये करण्यात आली होती. मुकेश खन्ना यांनी मूळ शक्तिमानच्या भूमिकेत काम केलं होतं आणि ते आजही प्रेक्षकांच्या लक्षात आहेत. चित्रपटासाठी त्यांनी आपला आशीर्वाद दिला असून, योग्य अभिनेता निवडला जावा, अशी त्यांची अपेक्षा आहे.

अल्लू अर्जुनची निवड झाल्यास तो हिंदी सुपरहिरोच्या भूमिकेत पहिल्यांदाच झळकणार आहे. हे त्याच्या करिअरसाठी एक नवीन पर्व ठरू शकते. मात्र, अद्याप अधिकृत घोषणा करण्यात आलेली नाही. चाहत्यांचे लक्ष आता निर्मात्यांच्या पुढील पावलाकडे लागले आहे.

या बातमीमुळे ‘शक्तिमान’च्या नव्या रुपात कोण झळकणार याची उत्सुकता अजूनच वाढली आहे. अल्लू अर्जुनची एन्ट्री खरोखर ठरेल की नवा ट्विस्ट समोर येईल, याची प्रतीक्षा सर्वांनाच लागली आहे.