गायिका नेहा कक्कर हे इंडस्ट्रीतील लोकप्रिय नाव आहे. नेहाने तिच्या सुमधूर संगीताने प्रेक्षकांना मंत्रमुग्ध केलं आहे. नेहा कक्कर सोशल मीडियावर अॅक्टिव्ह असते. कुटुंबियासोबतचे फोटो ती सोशल मीडियावर पोस्ट करते. अलिकडेच नेहा कक्कर तिच्या पर्सनल लाईफमुळे चर्चेत आली. नेहा कक्कर आणि पती रोहनप्रीत सिंह यांच्याविषयी घटस्फोटाच्या चर्चा रंगल्या.

मागील काही दिवसांपासून नेहा कक्कर आणि रोहनप्रीत सिंह यांच्या नात्यात सर्वकाही ठीक नसल्याचं बोललं जात आहे. अलिकडेच नेहाचा वाढदिवस झाला तेव्हा तिचे मित्र आणि केवळ परिवारच दिसला. तर पती रोहनप्रीत हा दिसला नसल्याने सोशल मीडियावर अनेक अफवा पसरल्या. नेहा आणि रोहनप्रीत लवकरच घटस्फोट घेणार असल्याची चर्चा सुरू झाली. अशातच आता नेहाचा पती रोहनप्रीत सिंहने घटस्फोटाच्या चर्चांना पूर्णविराम दिला आहे.

रोहनप्रीतने पोस्ट शेअर केली आहे. पोस्टमध्ये रोहनप्रीत सिंह म्हणाला, "फवा या फक्त अफवा असतात. त्या खऱ्या नसतात. उद्या कोणीही काहीह बोलेल, परवा कोणी आणखी काही बोलेल. मात्र याचा तुमच्या नात्यावर परिणाम होऊ देऊ नका."

नेहा कक्कर आणि रोहनप्रीत सिंह २४ ऑक्टोबर २०२० मध्ये लग्नबंधनात अडकले. यांच्या लग्नाचे सुंदर फोटो सोशल मीडियावर व्हायरल झाले होते. नेहा कक्कर आणि रोहनप्रीत सिंह हे दोघेंही आनंदी आयुष्य जगत आहे. त्याच्यामध्ये कोणताही वाद नाही.