Kartik Aaryan - Kiara Advani Romantic Song: बॉलिवूडचा शेहजादा कार्तिक आर्यन आणि अभिनेत्री कियारा अडवाणी यांचा 'सत्यप्रेम की कथा' चित्रपट लवकरच प्रेक्षकांच्या भेटीला येणार आहे. कियारा आणि कार्तिक यांची जोडी प्रेक्षकांना आवडली आहे. नुकतेच या चित्रपटातील गाणे प्रदर्शित झाले आहे.

कार्तिक काल पोस्ट करत आज गाणे प्रदर्शित होणार असल्याचे सांगितले होते. 'नसीब से' असे या गाण्याचे बोल आहेत.

'नसीब से' हे गाणे पायल देव आणि विशाल मिश्रा यांनी गायले असून पायल देवाने संगीतबद्ध केले आहे.

'सत्यप्रेम की कथा' या चित्रपटातील 'नसीब से' हे गाणे काश्मिरमध्ये चित्रित झाल्याचे दिसत आहे. गाण्याची सुरुवात झाल्यानंतर कार्तिक आणि कियारा बाईकवर दिसत आहेत. त्यानंतर अनेक वेगवेगळ्या ठिकाणी ही जोडी दाखविण्यात आली आहे. कार्तिक-कियाराचा रोमँटिक अंदाज आपल्याला या गाण्यातून पाहायला मिळत आहे.

काल या चित्रपटातील एक व्हिडिओ लीक झाला होता. या व्हिडिओमध्ये कार्तिक आर्यन साऊथ इंडिअन लूकमध्ये डान्स करत होता.

हा चित्रपट 29 जून 2023 रोजी थिएटरमध्ये दाखल होणार आहे. कार्तिक आणि कियाराशिवाय या चित्रपटात गजराज राव आणि सुप्रिया पाठक यांच्याही प्रमुख भूमिका आहेत. यापूर्वी, बॉक्स ऑफिसवर सुपरहिट ठरलेल्या 'भूल भुलैया 2'मध्ये कार्तिक आणि कियारा यांची जोडी दिसली होती.