साउथ सुपरस्टार नागा चैतन्य (Naga Chaitanya) आणि शोभिता धुलिपाला (Sobhita Dhulipala) लवकरच लग्नबंधनात अडकणार आहेत. त्यांच्या लग्नाची चाहत्यांना देखील उत्सुकता लागली आहे. शोभिता आणि नागा चैतन्य यांचा शाही विवाह सोहळा 4 डिसेंबरला थाटामाटात पार पडणार आहे.

नागा चैतन्य आणि शोभिता धुलिपाला हैदराबाद येथे लग्नगाठ बांधणार आहे. त्यांच्या लग्नाआधीच्या विधींना सुरूवात झाली आहे. नुकताच शोभिताचा 'पेल्ली कुथुरु' समारंभ पार पडला आहे. शोभिताने या समारंभाचे फोटो सोशल मीडियावर शेअर केले आहेत.

पेल्ली कुथुरु समारंभ

'पेल्ली कुथुरु' (Pelli Kuthuru) तेलुगू संस्कृतीतील लग्नाआधीच्या विधी आहे. हा समारंभ लग्नाआधी मुलीकडे केला जातो. कारण मुलगी तिच्या नवीन आयुष्याला सुरूवात करणार असते. या समारंभातून तिला शुभेच्छा दिल्या जातात. या समारंभात हळदीचा मुख्य समावेश असतो.

शोभिता धुलिपालाने 'पेल्ली कुथुरु' समारंभासाठी पारंपारिक पोषाख केला होता. तिने लाल रंगाची गोल्डन काठ असलेली साडी नेसली होती. या साडीमध्ये शोभिताचे सौंदर्य खुललं होते. साडीला साजेल असे दागिने आणि मेकअप तिने केला आहे. तिच्या या पोस्टवर चाहत्यांकडून कमेंट्स आणि शुभेच्छांचा वर्षाव होत आहे.

शोभिताने शेअर केलेल्या फोटोंमध्ये कुटुंब तिचे औक्षण करताना पाहायला मिळत आहे. 'पेल्ली कुथुरु' हा घरगुती पद्धतीने समारंभ पार पडला.

नागा चैतन्य

अभिनेता नागा चैतन्यचे हे दुसरे लग्न आहे. नागा चैतन्यने या आधी दाक्षिणात्य अभिनेत्री समांथा रुथ प्रभूशी लग्नगाठ बांधली होती. मात्र काही काळातच हे दोघ विभक्त झाले.