Munawar Faruqui On Operation Sindoor: कॉमेडियन मुनव्वर फारुकी याने 'ऑपरेशन सिंदूर'साठी भारतीय लष्कराचे खुलेपणाने कौतुक केले आहे. त्याने सोशल मीडियावर लिहिले, "बेहद्द जरूरी जवाब और इंसाफ वो औरतों के लिए जिनका सिंदूर मिटाया गया था!! त्याच्या या वक्तव्याने अनेक नेटकऱ्यांनी त्याचे कौतूक केले आहे.

'ऑपरेशन सिंदूर' हे ७ मे २०२५ रोजी भारतीय लष्कराने पाकिस्तान आणि पाकिस्तान-प्रशासित काश्मीरमधील दहशतवादी तळांवर केलेले हवाई आणि क्षेपणास्त्र हल्ले होते. या कारवाईत ९ ठिकाणी लक्ष्य साधण्यात आले, ज्यात लष्कर-ए-तोयबा आणि जैश-ए-मोहम्मद यांसारख्या दहशतवादी संघटनांच्या तळांचा समावेश होता. या कारवाईत सुमारे ७० दहशतवाद्यांचा खात्मा झाला असल्याचा भारताचा दावा आहे .

या कारवाईनंतर, अभिनेता सिद्धार्थ मल्होत्रा यानेही भारतीय लष्कराचे समर्थन करत सोशल मीडियावर "दहशतवादाला अजिबात सहन केले जाणार नाही. जय हिंद की सेना" असे लिहिले. अभिनेता सुनील शेट्टी यांनीही 'ऑपरेशन सिंदूर'साठी भारतीय लष्कराचे कौतुक केले आहे .

'ऑपरेशन सिंदूर' हे पवित्र सिंदूराच्या प्रतीकात्मकतेशी जोडले गेले आहे, जे भारतीय संस्कृतीत विवाहित स्त्रियांच्या सौभाग्याचे प्रतीक मानले जाते. पाहलगाम हल्ल्यात विधवा झालेल्या स्त्रियांच्या वेदनांना या ऑपरेशनने न्याय दिल्याचे अनेकांनी म्हटले आहे. या कारवाईने देशभरात देशभक्तीची भावना जागृत केली आहे.